Каля 900 000 дагавораў тэрміновых банкаўскіх укладаў у беларускіх рублях і замежнай валюце (доларах, еўра, расійскіх рублях) заключылі кліенты з пачатку года.
Такую папулярнасць у банку тлумачаць разнастайнай лінейкай адзыўных і безадзыўных укладаў, з якой кожны можа выбраць аптымальны варыянт па відзе валюты, тэрмінах і спосабах іх размяшчэння.
Уклады можна аформіць як ва ўстановах банка, так і дыстанцыйна праз сістэму «Інтэрнэт-банкінг», мабільны дадатак «M-Belarusbank» або з дапамогай інфакіёскаў банка.
Тэрміны размяшчэння вагаюцца ад 45 дзён да 36 месяцаў. Пры гэтым, ёсць спецыяльная прапанова банка — дэпазіт «Дзіцячы», які адкрываецца на тэрміны 3, 4, 5 гадоў і з прычыны доўгатэрміновасці мае больш прывабныя працэнтныя стаўкі.
Для адкрыцця ўкладу неабходны мінімальныя сумы грашовых сродкаў у адпаведнасці з умовамі ўкладу.
Падабраць зручны дэпазіт можна па спасылцы. Падлічыць прыкладную даходнасць дэпазіту можна з дапамогай калькулятара ўкладаў.
Да стагоддзя Беларусбанка засталося крыху больш за месяц. У кожнага ёсць шчаслівая магчымасць стаць сімвалічным мільённым укладчыкам банка.