Гэту паслугу Беларусбанк прапанаваў кліентам каля 2,5 гадоў назад і за гэты час было праведзена больш за 100 000 аперацый па выдачы наяўных грошай на агульную суму 7,0 млн рублёў.
Нагадаем, гэта паслуга прадастаўляе магчымасць зняцця наяўных грошай у АГС на тэрыторыі ўсёй рэспублікі згодна з Пастановай Савета Міністраў Рэспублікі Беларусь і Нацыянальнага банка Рэспублікі Беларусь ад 06.07.2011 №924/16.
Сэрвіс зручны як для суб’ектаў гаспадарання — уладальнікаў арганізацый гандлю і сэрвісу, так і пакупнікоў. Першыя могуць такім чынам не толькі прымаць плацяжы з дапамогай карт, але і выдаваць па іх наяўныя грошы, павялічыць тавараабарот за кошт прыцягнення дадатковай колькасці пакупнікоў, скараціць свае расходы на інкасацыю наяўных грошай. Другія — зняць наяўныя грошы нават там, дзе няма банкамата і аддзялення банка.
Сума наяўных грашовых сродкаў у рамках адной аперацыі не павінна перавышаць 5 базавых велічыняў (160 беларускіх рублёў). Звяртаем увагу, што Беларусбанк не спаганяе камісію за зняцце наяўных грошай. За правядзенне аперацыі можа спаганяцца плата банкам, які выпусціў картку.
Падрабязная інфармацыя пра паслугу.