Першы рэгіянальны кулінарны майстар-клас Клуба «Лэдзі» прайшоў у горадзе над Бугам – Брэсце. На гэты раз удзельніцы Клуба спасцігалі грузінскую кухню, гатуючы традыцыйныя хінкалі і казінакі.
Нагадаем, у рамках Клуба «Лэдзі» яго ўдзельніцам прадастаўляецца магчымасць правесці адзін вечар у кампаніі аднадумцаў, адчуць клубную супольнасць і забыцца на кароткі час на свае бытавыя клопаты. У Мінску прайшло ўжо чатыры майстар-класы па французскай, італьянскай, лацінаамерыканскай і грэчаскай кухнях.
На гэты раз, каб даць магчымасць наведаць кулінарны вечар не толькі сталічным дзяўчатам, майстар-клас часова пераехаў у Брэст.
Нягледзячы на змену лакацыі, фармат мерапрыемства застаўся ранейшым. Спачатку запрошаныя ўдзельніцы Клуба «Лэдзі» правялі час на кухні пад кіраўніцтвам вопытных шэф-павароў і прыгатавалі хінкалі, стэйк-салату і казінакі.
Затым дзяўчаты змаглі пакаштаваць прыгатаваныя стравы. Дэгустацыя з’яўляецца важнай часткай вечара, бо дазваляе пазнаёміцца і падзяліцца эмоцыямі ў лёгкіх і нязмушаных абставінах.
Закрыццём вечарыны стала правядзенне квізу і выступленне музычнага калектыву.
Трапіць на кулінарны майстар-клас могуць абсалютна ўсе ўдзельніцы Клуба «Лэдзі». Для гэтага неабходна быць падпісаным на сацыяльныя сеткі банка і сачыць за навінамі аб правядзенні розыгрышу, па выніках якога вызначаецца спіс гасцей.
Аддзел камунікацый і рэкламы