Адкрыццё ультрасучаснага офіса банка, размешчанага па вуліцы Леніна, 5, прайшло з удзелам кіраўніцтва Беларусбанка, гасцей і кліентаў.
Незвычайны дызайн інтэр’ера і самае сучаснае абсталяванне аддзялення № 510/132 не пакінуць абыякавымі ні аднаго кліента.
У новым аддзяленні як быццам сустрэліся гісторыя і будучыня. Фасад будынка, выкананы ў класічным стылі, адпавядае архітэктуры вуліцы. Але як толькі адчыняюцца дзверы — нібыта трапляеш у іншы свет, лічбавы.
Тут электронныя касіры (спецыяльныя ўстройствы для работы з банкнотамі ў беларускіх рублях і замежных валютах) дазваляюць кліентам вырашаць пытанні па прынцыпе «аднаго акна». У ліку іншых ноў-хаў офіса — планшэты, з дапамогай якіх кліенты могуць самастойна ажыццяўляць аперацыі, бесправадныя станцыі зарадкі мабільных устройстваў, відэасцяна, электронны інфармацыйны стэнд, зона самаабслугоўвання з кругласутачным доступам.
Для зручнасці кліентаў і павышэння лаяльнасці арганізавана ўтульная лаўнж-зона з камфортнымі крэсламі і кава-машынай, а таксама абсталявана яркая ігравая зона для самых маленькіх наведвальнікаў.
Сучаснасць аддзялення падкрэслілі на цырымоніі адкрыцця і ўручэннем нестандартнага ключа кіраўніку: замест традыцыйнага залатога старшыня праўлення банка Віктар Ананіч перадаў кіраўніку аддзялення №510/132 Таццяне Карповіч сімвалічны біяметрычны ключ.
Лакацыя гэтага офіса, размешчанага недалёка ад праспекта Незалежнасці, характарызуецца інтэнсіўным кліентапатокам. У банку ўпэўнены, што пасля таго, як гараджане даведаюцца пра новае аддзяленне, многім захочацца яго ўбачыць і заадно скарыстацца паслугамі Беларусбанка.
Аддзел камунікацый і рэкламы