Навіны банка і прэс-рэлізы
15.06.2022

Беларусбанк і Visa правялі першы кулінарны майстар-клас для ўдзельніц Клуба «Лэдзі»

Беларусбанк і Visa 9 чэрвеня арганізавалі першую кулінарную вечарыну для ўдзельніц Клуба «Лэдзі». На яе запрасілі самых актыўных трымальніц карт. Мерапрыемства прайшло душэўна, прыгожа і смачна.

1

Клуб «Лэдзі» на рынку ўжо з 2020 года. Правядзенне лекцый і анлайн-семінараў – адна з яго канцэптуальных задумак, якая дазваляе аб’яднаць удзельніц па інтарэсах. Доўгачаканай падзеяй гэтага года стала серыя кулінарных майстар-класаў. На першы ў сталічную кулінарную студыю запрасілі лэдзі, якія любяць атрымліваць новы вопыт і актыўна разлічваюцца аднайменнай карткай банка.

2

Пагутарыць з удзельніцамі прыйшлі і арганізатары мерапрыемства — прадстаўнікі Беларусбанка і кампаніі Visa, якія расказалі, што падобныя сустрэчы праводзяцца, каб падтрымаць уладальніц картак Клуба «Лэдзі» і даць ім магчымасць абстрагавацца ад руццінных спраў, сустрэцца з аднадумцамі і адчуць сябе ў ролі шэф-повара.

— Клуб «Лэдзі» мы стваралі з вялікай любоўю да жанчын, — падзялілася на адкрыцці мерапрыемства начальнік упраўлення лічбавай трансфармацыі банка Марына Іванова. — Распрацоўваючы прадукт, мы думалі аб тым, з чым сутыкаюцца сучасныя лэдзі. Наша карта павінна была стаць памочнікам у важных справах, выклікаць усмешку на твары, напаўняць сэрцы ўпэўненасцю, што вы — не адны, што ёсць жаночая супольнасць. І яна — сіла.  

3

Гасцям вечара пад кіраўніцтвам шэф-павароў удалося прыгатаваць адразу некалькі страў: качыную грудку, магрэ з апельсінавым конфі і булгурам, салат з тварожным сырам і крэветкамі, грушу, тушаную ў віне, з салёнай карамеллю.

4

5

6

7

 

Сустрэча скончылася святочнай вячэрай з прыгатаваных страў пад суправаджэнне музычнай праграмы.

Прадстаўнік кампаніі Visa Арцём Смірноў паабяцаў, што падобныя сустрэчы стануць рэгулярнымі і будуць прысвечаны розным кухням свету.

— Сёння сабраліся самыя актыўныя ўдзельніцы Клуба «Лэдзі», якія сочаць за намі ў сацсетках, удзельнічаюць у абмеркаваннях, — сказаў Арцём Смірноў. —  Мы і надалей будзем старацца падтрымліваць Беларусбанк і яго праект.

Нагадаем, усе ўладальніцы картак Клуба «Лэдзі» могуць уступіць у чат Lady’s Club (@ladysclub_bot) у Тэлеграм, у якім праходзіць жывое абмеркаванне любых актуальных тэм, можна задаць пытанне прадстаўніку банка, а таксама атрымаць спасылкі на анлайн-семінары і падобныя майстар-класы.

qr-ledi

Аддзел камунікацый і рэкламы

Жадаеце заўсёды быць у курсе апошніх навін? Падпішыцеся!