Конкурс харэаграфічнага мастацтва «Час танцаваць», у якім прымуць удзел больш за тысячу чалавек з 15 населеных пунктаў Беларусі, стартуе ўжо ў суботу 9 красавіка ў КЗ «Мінск». Яго рэалізацыя стала магчымай дзякуючы падтрымцы Беларусбанка.
Конкурс дазволіць у адным месцы аб’яднаць юныя танцавальныя таленты з усёй краіны. Удзельнікі змогуць паказаць сябе і абмяняцца вопытам, арганізатары — знайсці і падтрымаць адораных дзяцей.
Па яго выніках будуць вызначаны лаўрэаты і ўладальнік Гран-пры і грашовага прыза ў суме 200 базавых велічыняў.
Як адзначыў падчас прэс-канферэнцыі, прысвечанай старту праекта, начальнік упраўлення камунікацый і карпаратыўнай сацыяльнай адказнасці Беларусбанка Дзмітрый Бакіноўскі, падтрымка конкурсу — гэта ў тым ліку ўклад банка ў развіццё краіны:
Па словах дырэктара Рэспубліканскага культурна-асветніцкага цэнтра і арганізатара конкурсу Аляксандра Сідарэнкі, ключавая мэта мерапрыемства — даць кожнаму ўдзельніку праявіць сябе, раскрыць талент, пазнаёміцца з творчасцю іншых калектываў і выявіць найлепшых.
Улічваючы шырокі ахоп удзельнікаў розных узроставых груп (ад 3 гадоў і старэй) па дзевяці харэаграфічных напрамках, конкурс «Час танцаваць» абяцае стаць найбуйнейшым форумам харэаграфічнага мастацтва Рэспублікі Беларусь сярод аматарскіх і прафесійных калектываў.
Аддзел камунікацый і рэкламы