У краіне стартаваў VII Тыдзень беларускага прадпрымальніцтва. Ініцыятыва праводзіцца пры падтрымцы ўрада і ўключана ў дзяржаўную праграму развіцця малога і сярэдняга бізнесу на 2021-2025 гады. Стратэгічным партнёрам мерапрыемства выступае “Беларусбанк”.
На працягу тыдня запланавана насычаная дзелавая праграма, якая ўключае правядзенне больш за 150 мерапрыемстваў па ўсёй краіне. Гэта семінары, канферэнцыі, абмеркаванні ў фармаце круглых сталоў і панэльных дыскусій, удзельнікі якіх разгледзяць актуальныя пытанні і прыярытэтныя накірункі развіцця прадпрымальніцтва ў Беларусі.
У Нацыянальным прэс-цэнтры адбылася прэс-канферэнцыя, прысвечаная пачатку Тыдня беларускага прадпрымальніцтва, удзел у якой прыняў дырэктар дэпартамента карпаратыўнага бізнесу «Беларусбанка» Сяргей Пась.
Асноўнай падзеяй стане IV Рэспубліканскі дзелавы форум "Развіццё прадпрымальніцтва ў Беларусі: Кансалідацыя. Стратэгія і тактыка". У гэтым годзе адзін з ключавых акцэнтаў мерапрыемства таксама будзе зроблены на развіцці маладзёжных прадпрымальніцкіх ініцыятыў.