З 16 жніўня «Беларусбанк» пашырыў сферу дзеяння сэрвісу TIX, зрабіўшы яго даступным у Гомелі.
Такім чынам, аплачваць праезд смартфонам з дапамогай гэтага дадатку можна ва ўсім наземным транспарце Мінска і Брэста, тралейбусах Бабруйска, а таксама ў аўтобусах Гродна і Гомеля.
Нагадаем, праект рэалізаваны банкам сумесна з кампаніяй АССІСТ - партнёрам па аказанні паслуг інтэрнэт-плацяжоў і кампаніяй «Сістэмныя тэхналогіі», якая з’яўляецца распрацоўшчыкам мабільнага дадатку TIX.
Мабільны дадатак TIX дазваляе пасажырам - трымальнікам картак плацежных сістэм VISA, Masterсard, БЕЛКАРТ набыць электронны білет і аплаціць праезд зручным спосабам.
Пры набліжэнні транспарту ў мабільным дадатку аўтаматычна адлюстроўваецца маршрут з прапановай аплаціць паездку. Набыць электронны праязны білет можна прама ў салоне транспартнага сродку, націснуўшы кнопку «Аплаціць» у інтэрфейсе дадатку насупраць адпаведнага нумару маршруту.
Сэрвіс прадстаўлены на рускай, беларускай, англійскай і польскай мовах.
Для выкарыстання сэрвісу неабходна спампаваць мабільны дадатак TIX у GooglePlay або AppStore і прывязаць да яго банкаўскую карту плацежных сістэм VISA, Masterсard, БЕЛКАРТ.
Жадаеце даведвацца пра нашы навіны першымі? Падпісвайцеся на наш тэлеграм-канал.
Аддзел камунікацы