На сённяшні дзень сэрвіс выдачы наяўных грашовых сродкаў трымальнікам картак у арганізацыях гандлю і сэрвісу краіны рэалізуецца ў 400 кропках продажу.
Паслуга працуе другі год і з моманту яе ўкаранення праведзена каля 12 000 аперацый па выдачы наяўных грашовых сродкаў. Агульная сума склала больш за 800 000 рублёў.
Найбольш папулярны сэрвіс у Віцебскай вобласці – на яе прыходзіцца больш за палову ад усіх аперацый. Таксама часта наяўныя грошы здымаюць у Гродзенскай і Мінскай абласцях.
Нагадаем, што гэта паслуга прадастаўляе магчымасць зняцця наяўных у АГС, якія размешчаны на тэрыторыі сельскай мясцовасці, малых гарадскіх паселішчаў, тэрыторыі па-за населенымі пунктамі згодна з Пастановай Савета Міністраў Рэспублікі Беларусь і Нацыянальнага банка Рэспублікі Беларусь ад 15.05.2020 №290/11 (з 01.01.2022 – ва ўсіх населеных пунктах).
Аддзел камунікацый