Навіны банка і прэс-рэлізы
17.02.2021
За 2020 год Кантакт-цэнтр «Беларусбанка» (сэрвіс 147) прыняў 1,5 мільёна званкоў, адказаў на 34 тысячы электронных пісьмаў, правёў больш за 83 тысячы дыялогаў у анлайн-чаце, а віртуальны кансультант Злата пракансультавала больш за 260 тысяч кліентаў. У ліку важных дасягненняў падраздзялення таксама пацвярджэнне адпаведнасці Кантакт-цэнтра патрабаванням стандарта ISO 18295 па выніках аўдыту Міжнароднага Інстытута сертыфікацыі кантактных цэнтраў.
— Мы ў чарговы раз пацвердзілі высокую якасць арганізацыі працы, — каментуе дасягненні кіраўнік падраздзялення Андрэй Корбут. — Наша каманда прадэманстравала выдатна пабудаваныя працэсы абслугоўвання кліентаў у кожным асобна ўзятым канале. Таксама мы правялі вялізную выніковую работу па забеспячэнні неабходнага ўзроўню даступнасці Кантакт-цэнтра для кліентаў ва ўмовах узросшай падчас пандэміі нагрузкі.
Карыстаўся попытам і карпаратыўны сайт банка. Яго наведалі больш за 21 мільён разоў, а гэта каля 57,6 тыс. чалавек у дзень.
— Для стварэння найлепшага кліенцкага вопыту і ажыццяўлення поўнага ахопу каналаў продажу за 2020 год на сайце распрацавана больш за 20 новых модуляў і сэрвісаў, — удакладніў дырэктар Кантакт-цэнтра.
Акрамя таго, па матэрыялах штомесячнага даследавання Digital-агенцтва «ARTOX media», сайт «Беларусбанка» ўзначальвае рэйтынг бачнасці сайтаў беларускіх банкаў у пошукавых сістэмах: Яндэкс і Google.
— Будзем і надалей імкнуцца да максімальнай якасці і аператыўнасці абслугоўвання нашых кліентаў, — адзначыў кіраўнік.
Жадаеце заўсёды быць у курсе апошніх навін? Падпішыцеся!