ААТ «ААБ Беларусбанк», улічваючы сацыяльную значнасць дзяржаўнай праграмы будаўніцтва жылля, у мэтах паспяховага завяршэння будаўніцтва шматкватэрных жылых аб’ектаў у бягучым годзе і актуальнасць пытання крэдытнай падтрымкі грамадзян, якія паляпшаюць свае жыллёвыя ўмовы, з 15.10.2020 аднаўляе прыём новых заяў грамадзян (заявак на крэдыт) на выдачу крэдытаў (на павелічэнне памеру крэдытных ліній па раней заключаных дагаворах) з выкарыстаннем субсідыі на іх пагашэнне згодна з Указам Прэзідэнта Рэспублікі Беларусь ад 04.07.2017 №240 «Аб дзяржаўнай падтрымцы грамадзян пры будаўніцтве (рэканструкцыі) жылых памяшканняў», па аб’ектах жыллёвага будаўніцтва, якія належаць да ўводу ў эксплуатацыю ў 2020 годзе.
Звяртаем увагу нашых кліентаў, што ўмовы крэдытавання будаўніцтва жылля з субсідзіраваннем у адпаведнасці з Указам № 240 захоўваюцца нязменнымі – стаўка рэфінансавання Нацыянальнага банка Рэспублікі Беларусь, павялічаная на 3%.
Больш падрабязную інфармацыю можна атрымаць на карпаратыўным сайце www.belarusbank.by або патэлефанаваўшы ў Кантакт-цэнтр на нумар 147.