27 ліпеня 2020 года ААТ «ААБ Беларусбанк» прыцягнула сіндыкаваны крэдыт на агульную суму 60 млн еўра. Бягучы праект з’яўляецца 16 міжнароднай здзелкай банка на рынку сіндыкаванага пазычання з моманту дэбюту, які адбыўся ў 2006 годзе.
Сродкі бягучага сіндыкаванага крэдыту прадастаўляюцца траншамі на тэрмін да 1,5 гадоў на агульнакарпаратыўныя мэты і фінансаванне гандлёвых кантрактаў кліентаў банка. Арганізатарамі здзелкі выступілі 9 замежных фінансавых інстытутаў, тры з якіх упершыню прынялі ўдзел у такога кшталту здзелках Банка.
Упаўнаважаныя вядучыя арганізатары: АТ «АЛЬФА-БАНК» (у т.л. у ролі Крэдытнага кіраўніка), ПАТ «ТРАНСКАПІТАЛБАНК», ПАТ «Саўкамбанк», кампанія BCS Prime Brokerage Limited;
Вядучыя арганізатары: АТ «Банк Інтэза», ПАТ РАСБАНК, АТ «Altyn Bank» (Даччыны банк China CITIC Bank Corporation Limited);
Арганізатары: АТ «Народны ашчадны банк Казахстана» і ААТ «Міжнародны Банк Азербайджана».
У рамках рэалізацыі стратэгіі банка здзелка таксама дазволіла пашырыць геаграфію крэдытораў на рынку сіндыкаванага крэдытавання. У склад банкаў-удзельнікаў увайшлі прадстаўнікі з Расіі, Казахстана, Азербайджана, Вялікабрытаніі, а таксама даччыныя фінансавыя інстытуты адной з найбуйнейшых фінансавых груп у Еўропе Societe Generale і італьянскай банкаўскай групы Intesa Sanpaolo.
Як адзначылі арганізатары здзелкі, у міжнародных фінансавых колах ААТ «ААБ Беларусбанк» – нумар адзін на фінансавым рынку Беларусі, банк, які зарэкамендаваў сябе як надзейны дзелавы партнёр з паслядоўнай бізнес-стратэгіяй.