Купіць білет для праезду праз тэлефон у дадатку TIX і пагасіць там жа сёння можна ў трамваях сталіцы. Сэрвіс рэалізаваў Беларусбанк сумесна з кампаніяй СІСТЭМНЫЯ ТЭХНАЛОГІІ і Мінсктрансам на падставе вопыту найбуйнейшых гарадоў свету.
Як адзначыў намеснік старшыні праўлення Беларусбанка Дзмітрый Грышчанкоў, з мая зручны спосаб аплаты праезду з дапамогай смартфона даступны пасажырам сталічных аўтобусаў №100 і №1. За гэты час жыхары і госці Мінска набылі ўжо больш за 11 000 білетаў. Па яго словах, галоўныя перавагі сучаснай тэхналогіі — надзейнасць аплаты і гарантаванае спісанне сумы пры націску за 1 паездку. Аперацыя не адкладваецца і праводзіцца ў рэальным часе.
Новы сэрвіс TIX быў запушчаны ў 2018 годзе ў Брэсце. Пра інтарэс да навінкі гавораць лічбы. За гэты час у грамадскім транспарце абласнога цэнтра з дапамогай смартфона было набыта больш за 300 000 білетаў.
Нагадваем, як працуе сэрвіс. Пасажыру неабходна спампаваць у GooglePlay або AppStore дадатак «TIX» і прывязаць сваю банкаўскую карту, выпушчаную любым банкам свету (Visa, Mastercard, БЕЛКАРТ). Дадатак працуе на рускай, беларускай, англійскай і польскай мовах. У будучым у кліентаў Беларусбанка з’явіцца яшчэ адна магчымасць правядзення плацяжу — аплата праезду праз мібільны банкаўскі дадатак «М-банкінг».
Аплаціць і пагасіць білет можна прама на прыпынку, калі патрэбны транспарт яшчэ толькі пад’язджае. У дадатку адлюструецца нумар трамвая і прапанова здзейсніць аплату. Акрамя таго, у TIX можна набыць білет, а затым, апынуўшыся ў салоне транспартнага сродку, выбраць кнопку «аплаціць» насупраць патрэбнага нумару трамвая. Праз адзін акаўнт можна будзе аплаціць праезд адразу для некалькіх чалавек або за багаж.
Акрамя аплаты праезду праз дадатак, сэрвіс TIX дазваляе ажыццяўляць маніторынг работы грамадскага транспарту праз аналіз пасажырскіх патокаў, вылічваць нагрузку на маршрутах, скараціць выдаткі, звязаныя з вырабам і абарачэннем білетнай прадукцыі.
Аддзел камунікацый