У чарговы раз «Беларусбанк» аказаўся лідарам рэспубліканскага сацыялагічнага даследавання «Маладзёжны брэнд» у катэгорыі «Банкаўскія паслугі», якое праводзіцца Асацыяцыяй аховы інтэлектуальнай уласнасці «БелБрэнд» сумесна з маладзёжнай лабараторыяй сацыялагічных даследаванняў ЦК ГА «БРСМ».
Урачыстая цырымонія падвядзення вынікаў спажывецкага прызнання сярод моладзі прайшла ў Культурна-гістарычным комплексе «Залатое кальцо горада Віцебска «Дзвіна».
У гэтым годзе ў даследаванні прынялі ўдзел больш за 1,2 тыс. рэспандэнтаў ва ўзросце ад 18 да 30 гадоў. У катэгорыю «Банкаўскія паслугі» для ўдзелу было заяўлена 24 банкі.
Першым па выніках апытання названы «Беларусбанк» — яго паслугамі за апошнія паўгода карысталіся 74,8% апытаных маладых людзей. На другім месцы размясціўся «Белаграпрамбанк» — 24,2%, на трэцім месцы па наведванні «Белінвестбанк» — 15,3%, на чацвёртым і пятым — «Альфа-банк» 13,4% і «Белгазпрамбанк» 10,2%.
Высветлілася, што 88,8% удзельнікаў даследавання карыстаюцца банкаўскімі паслугамі. Найбольш распаўсюджаная паслуга — інтэрнэт-банкінг. Таксама для моладзі актуальны крэдыты, крэдытныя карты і валютна-абменныя аперацыі.
Даведка: Даследаванне «Маладзёжны брэнд» праводзіцца штогод з 2015 года з мэтай вывучэння папулярнасці беларускіх і замежных брэндаў і вытворцаў у маладзёжным асяроддзі. З 2018 года ў апытанні ўдзельнічаюць банкі.
Аддзел камунікацый