25 чэрвеня член Савета Рэспублікі – намеснік старшыні Пастаяннай камісіі па эканоміцы, бюджэце і фінансах Віктар Ананіч наведаў ДЛГУ «Быхаўскі лясгас» і сустрэўся з працоўным калектывам арганізацыі.
Падчас размовы з работнікамі сенатар Віктар Ананіч падрабязна спыніўся на тэме развіцця Рэспублікі Беларусь, закрануў шырокі спектр актуальных пытанняў.
Работнікаў, напрыклад, цікавіла меркаванне сенатара і кіраўніка найбуйнейшага банка краіны па пытанні арэнднага жылля ў частцы замацавання маладых спецыялістаў на месцах. Частка пытанняў, з якімі супрацоўнікі лясгаса звярнуліся да Віктара Ананіча, датычылася крэдытавання насельніцтва. Грамадзян цікавілі ўмовы прадастаўлення крэдытнай падтрымкі маладым сем’ям. Жыхарам раёна, у прыватнасці, было прапанавана скарыстацца сістэмай будзберажэнняў, будаўніцтвам жылля па акцыях і партнёрскіх праграмах з забудоўшчыкамі, а таксама пакупкай нерухомасці ў лізінг.
Усе члены працоўнага калектыву змаглі задаць пытанні, якія іх цікавілі, і атрымаць кампетэнтныя адказы.
Падчас візіту ў Быхаў сенатар Віктар Ананіч таксама наведаў варкаўт-пляцоўку з траўмабяспечным пакрыццём на тэрыторыі парка «50 гадоў Перамогі». Набыццё пляцоўкі стала магчымым дзякуючы аказанню спонсарскай дапамогі «Беларусбанка».
Нагадаем, што раней у рамках акцыі #дзякуйМедыкам Быхаўскай раённай бальніцы былі таксама перададзены сродкі індывідуальнай абароны і камплекты абарончых акуляраў ад кітайскіх партнёраў.
Аддзел камунікацый