Навіны банка і прэс-рэлізы
26.02.2020

Другі Рэспубліканскі дзелавы форум прайшоў у Мінску пры падтрымцы «Беларусбанка»

Прадстаўнікі «Беларусбанка» сталі ўдзельнікамі другога Рэспубліканскага дзелавога форуму «Развіццё прадпрымальніцтва ў Беларусі: Стратэгія і тактыка», які стаў ключавой падзеяй V Тыдня беларускага прадпрымальніцтва. Найбуйнейшы банк другі год запар выступае стратэгічным партнёрам аднаго са значных бізнес-мерапрыемстваў у эканамічным і грамадскім жыцці краіны.

week-ip-1

«Беларусбанк» стабільна ўтрымлівае лідарства на рынку крэдытавання суб'ектаў малога і сярэдняга бізнесу. На сённяшні дзень доля банка складае больш за 20%. У рамках Праграмы падтрымкі МСБ ужо заключана каля 6 000 крэдытных дагавораў. Толькі за мінулы год аб'ём выдачы крэдытных сродкаў на падтрымку бізнес-ініцыятыў склаў больш за 1,8 млрд. рублёў. Праекты закранаюць практычна ўсе сферы дзейнасці.

«Малы і сярэдні бізнес - гэта той накірунак, на якім у будучыні будзе грунтавацца фінансавы складнік поспеху нашай рэспублікі,» -  адзначыў, падчас гутаркі з прэсай, намеснік дырэктара дэпартамента карпаратыўнага бізнесу «Беларусбанка» Аляксандр Русакомскі.

week-ip-2

Паводле яго слоў, прысутнічаючы ў кожным рэгіёне, асобную ўвагу банк надае падтрымцы бізнесу на месцах, прапаноўваючы акрамя банкаўскіх падтрымліваючыя нябанкаўскія паслугі - кансалтынгавыя, лізінгавыя, брокерскія, ствараючы тым самым экасістэму развіцця бізнесу.

Прытрымліваючыся палітыкі дзяржавы ў пытанні развіцця малых гарадоў, а таксама гарадоў-спадарожнікаў, «Беларусбанкам» пашыраны доступ да фінансавання на льготных умовах для суб'ектаў малога і сярэдняга бізнесу.

week-ip-3

V Тыдзень беларускага прадпрымальніцтва праходзіць з 24 лютага па 1 сакавіка 2020 года. Акрамя важных эканамічных пытанняў на ім будуць прадстаўлены вынікі правядзення штогадовага 15-га апытання ўладальнікаў і кіраўнікоў бізнесу Беларусі «Індэкс Дзелавога Аптымізму 2020».

Аддзел камунікацый

Жадаеце заўсёды быць у курсе апошніх навін? Падпішыцеся!

// || F::getRealIP() == "10.200.10.145"