Навіны банка і прэс-рэлізы
05.11.2019

Палескаму партнёру банка споўнілася 75 гадоў!

У пятніцу, 25 кастрычніка, Палескі дзяржаўны ўніверсітэт сустрэў гасцей на ўрачыстым мерапрыемстве, прымеркаваным да 75-годдзя банкаўскай адукацыі на беларускім Палессі. Да віншаванняў з юбілеем у адрас партнёра далучылася намеснік Старшыні Праўлення Таццяна МІХАЙЛОЎСКАЯ, пажадаўшы ад імя Праўлення банка дабрабыту і поспехаў студэнтам і выкладчыкам ВНУ.

polesskij-gos-univer-1

«Прыемна ўсведамляць, што ўсяго ва ўстановах найбуйнейшага банка краіны працуе больш за 2000 спецыялістаў - выпускнікоў універсітэта. Гэта сведчыць аб тым, што мы на правільным шляху і наша цеснае ўзаемадзеянне прыносіць свой плён», — адзначыла член Праўлення банка. На думку Таццяны Міхайлоўскай, падрыхтоўка новага пакалення высокапрафесійных спецыялістаў банкаўскай справы павінна быць накіравана на набыццё не толькі фундаментальных сістэмных ведаў у галіне арганізацыі банкаўскага бізнесу, але і практычных навыкаў прымянення інавацыйных банкаўскіх тэхналогій.

«Беларусбанк» і Палескі дзяржаўны ўніверсітэт звязваюць даўнія партнёрскія адносіны. Установа адукацыі ажыццяўляе падрыхтоўку спецыялістаў па напрамках «Фінансы і крэдыт/Банкаўская справа» і «Інфармацыйныя тэхналогіі фінансава-крэдытнай сістэмы». Штогод банк прымае на працу больш за 20 выпускнікоў палескага ВНУ, а праходзяць практыку ў банку не менш за 35 студэнтаў дзённага аддзялення. На гэты момант у банку працуюць 2246 выпускнікоў універсітэта (у тым ліку Пінскага каледжа, тэхнікума), з іх 325 чалавек - на кіруючых пасадах.

polesskij-gos-univer-2

У рамках супрацоўніцтва банк праводзіць мерапрыемствы па ўзаемадзеянні з універсітэтам: прафарыентаваныя і тэматычныя сустрэчы са студэнтамі, Дні кліента і Дні адчыненых дзвярэй, інтэлектуальныя турніры па фінансавай граматнасці.

Кіраўніцтва банка рэгулярна прымае ўдзел у круглым стале, арганізаваным Палескім дзяржаўным універсітэтам. Адзін з такіх быў прымеркаваны да 75-годдзя ВНУ і прайшоў напярэдадні святочнага мерапрыемства. Удзельнікі пагаварылі пра тэндэнцыі развіцця банкаўскай сістэмы і кампетэнцыі сучасных выпускнікоў, а таксама абмеркавалі магчымыя формы ўзаемадзеяння банка і навучальнай установы. Сустрэча стала прадуктыўнай на карысць абодвух бакоў.

Жадаеце заўсёды быць у курсе апошніх навін? Падпішыцеся!