Навіны банка і прэс-рэлізы
31.10.2019

Кіраўніцтва «Беларусбанка» прыняла ўдзел у адкрыцці «Кастрычніцкага эканамічнага форуму-2019»

У беларускай сталіцы праходзіць сёмы Кастрычніцкі эканамічны форум, які з'яўляецца пляцоўкай для абмеркавання будучыні і сучаснасці Беларусі. Генеральным партнёрам мерапрыемства выступіў «Беларусбанк».

У гэтым годзе форум носіць назву «Нябачная рука Левіяфана». У рабоце «KEF-2019» прымаюць удзел першы намеснік прэм'ер-міністра Беларусі Аляксандр Турчын, галоўны эканаміст СГА доктар Роберт Купман, пастаянны прадстаўнік Сусветнага банка ў Беларусі доктар Аляксандр Крэмер і іншыя паважаныя спецыялісты.

У адкрыцці канферэнцыі «KEF-2019: Нябачная рука Левіяфана» ад банка ўдзельнікамі сталі старшыня праўлення Віктар Ананіч, намеснік старшыні праўлення Аляксандр Ягораў і дырэктар дэпартамента стратэгічнага развіцця і маркетынгу Антон Даўгавечны.

kef2019-1

Як адзначыў у сваім выступленні першы віцэ-прэм'ер Аляксандр Турчын, пытанні танных вуглевадародаў перастаюць быць крытычнымі для выжывання эканомікі.

kef2019-2

«Мы ў цэнтр усёй эканамічнай палітыкі ставілі пытанні барацьбы за танныя нафту і газ, і гэта было натуральна. Зараз мы бачым, што не толькі для развіцця, але і нават для выжывання эканомікі гэтыя пытанні перастаюць быць крытычнымі. Развіццё тэхналогій павольна, але няўхільна адводзіць ролю вуглевадародаў з першага плана на другі»,  адзначыў Аляксандр Турчын. На яго думку, наступная пяцігодка ў Беларусі павінна стаць па назве, духу і змесце лічбавай.

Дыскусіі па пытаннях эканамічнага развіцця сталі ключавымі на палях міжнароднага форуму. Размаўляючы з журналістамі, старшыня праўлення Віктар Ананіч расказаў, наколькі беларускія банкі здольны сёння падтрымаць развіццё краіны крэдытамі.

kef2019-3

«У банкаўскай сістэмы цяпер няма праблем з тым, каб прадаставіць крэдытныя рэсурсы насельніцтву або прадпрыемствам, ліквіднасці дастаткова як на ўнутраным рынку, так і на міжнародным. Узровень працэнтных ставак таксама ўжо даўно не з'яўляецца фактарам, які стрымлівае крэдытаванне сказаў Віктар Ананіч.  На самай справе праблема ў іншым - у плацежаздольнасці пазычальнікаў і ў наяўнасці эфектыўных праектаў, у першую чаргу - інвестыцыйных, рэалізацыя якіх накіравана на вытворчасць высокатэхналагічнай прадукцыі з высокай дабаўленай вартасцю».

kef2019-4

Падчас адкрыцця міжнароднай канферэнцыі «KEF-2019: Нябачная рука Левіяфана» Віктар Ананіч таксама азнаёміўся са стэндам Беларусбанка, у рамках якога ўдзельнікам і гасцям мерапрыемства быў прэзентаваны клуб «Персона».

kef2019-5

На думку экспертаў, гэты форум, удзел у якім прымаюць прадстаўнікі ўлады і эканамісты сусветнага ўзроўню, з'яўляецца выдатнай пляцоўкай для дыскусіі і выбудоўвання адносін Рэспублікі Беларусь з сусветнымі фінансавымі інстытутамі і структурамі Еўрапейскага Саюза.

Аддзел камунікацый

 

 

 

Жадаеце заўсёды быць у курсе апошніх навін? Падпішыцеся!