Значная падзея для аховы здароўя Брэста - уручэнне рэанімабіля - адбылася напярэдадні ў горадзе над Бугам. Урачыстая перадача новай «клінікі на колах» «Беларусбанкам» абласному цэнтру прайшла ў рамках святкавання 1000-годдзя Брэста.
Перадача гораду рэанімабіля - гэта працяг сістэмнай падтрымкі, якая аказваецца найбуйнейшым банкам краіны ахове здароўя Беларусі. Так, у 2016 годзе «карэта жыцця» была перададзена Гродна, у 2017 годзе Магілёву, а ў 2018-м - Бабруйску. Новы аўтамабіль для Брэста быў таксама набыты ў ходзе дабрачыннага сацыяльнага праекта «Беларусбанк. Вектар дабрыні».
Аўтамабіль спецыяльнага прызначэння - хуткая медыцынская дапамога (клас С) маркі «Мэрсэдэс Спрынтар» прызначаны для транспарціроўкі і маніторынгу стану пацыентаў на дашпітальным этапе. Галоўнае ў «рэанімацыі на колах» - поўны камплект абсталявання для экстранай дапамогі. Ён абсталяваны ўсімі неабходнымі апаратамі для выратавання чалавечых жыццяў і аказання медыцынскай дапамогі на самым высокім узроўні.
Рэанімабіль паступіў у распараджэнне Дзяржаўнай установы аховы здароўя «Станцыя хуткай медыцынскай дапамогі г. Брэста».
Рэанімабіль будзе абслугоўваць жыхароў Брэста і Брэсцкага раёна, а таксама гасцей горада. Гэта яшчэ адзін крок па паляпшэнні матэрыяльнай базы, укараненні новых тэхналогій і самага сучаснага абсталявання ў медыцынскіх установах Брэсцкага рэгіёну.
У сваю чаргу старшыня Брэсцкага гарвыканкама Аляксандр Рагачук падзякаваў банку за падарунак.
У рамках праграмы мерапрыемстваў, прымеркаваных да 1000-годдзя Брэста, дэлегацыя «Беларусбанка» таксама наведала мемарыяльны комплекс «Брэсцкая крэпасць-герой». Кіраўніцтва банка ўсклала кветкі да вечнага агню, тым самым аддаўшы даніну памяці тым, хто ахвяраваў сваім жыццём у імя Перамогі.
Дэлегацыя банка азнаёмілася з экспазіцыяй «Музей вайны - тэрыторыя міру». Яе адметная рыса - выкарыстанне сучасных тэхналогій. Акрамя музейных прадметаў, якіх налічваецца больш за дзве тысячы, тут можна пагартаць электронную кнігу памяці, атрымаць інфармацыю, якая цікавіць з дапамогай інтэрактыўнага экрана, прайсціся праз трохаркавыя вароты пад зорным небам...
Аддзел камунікацый