У Лошыцкім парку 19 мая адбыўся дабрачынны лёгкаатлетычны прабег «Сямейны бегапарк», арганізаваны інклюзіўным спартыўным клубам «Крылы Ангелаў».
Мерапрыемства паступова пашыраецца не толькі падзейна, але і за кошт геаграфіі ўдзельнікаў. На гэты раз да яго далучыліся бегуны з розных куткоў нашай краіны, а таксама грамадзяне Турцыі, Венгрыі і Егіпта. Для многіх з іх важна адчуваць дачыненне да вырашэння сацыяльных праблем. Вялікая колькасць гасцей вясновага «Бегапарку» з дапамогай дабрачынных узносаў, якія ўдзельнікі маглі ўносіць пры рэгістрацыі на забег, дапамаглі арганізатарам сабраць Br10 тыс. Гэта сума дазволіць арганізаваць летні адаптыўны спартыўна-турыстычны лагер для дзяцей з цяжкай інваліднасцю. У сваю чаргу, генеральны партнёр прабегу ААТ «ААБ Беларусбанк» плануе аказаць спонсарскую дапамогу ў памеры Br10 тыс., якая пойдзе на куплю адаптыўнай спартыўна-турыстычнай амуніцыі.
Цэнтральнай падзеяй мерапрыемства стаў забег на 5 км і 10 км, актыўным удзельнікам якога стала, у тым ліку каманда банка. Для самых маленькіх арганізатары таксама прадугледзелі дыстанцыю - 600 м. На працягу ўсіх спартыўных актыўнасцей удзельнікаў падтрымлівалі галоўны персанаж «Азбукі фінансавай граматнасці ад Беларусбанка» - Грошык, талісман II Еўрапейскіх гульняў Лесік, талісман футбольнага клуба «Дынама-Мінск» Дынамоша і роставыя лялькі вядомых казачных персанажаў.
Дыпломы і каштоўныя прызы ад банка пераможцам уручыў начальнік упраўлення інфармацыі і сацыяльнага развіцця Дзмітрый Бакіноўскі.
Усяго за пару гадоў «Крылы Ангелаў» сталі маштабным праектам, які дапамагае дзецям з інваліднасцю пераадольваць сацыяльную ізаляцыю і ўключацца ў актыўнае спартыўнае жыццё. У рамках дабрачыннага праекта «Вектар дабрыні» «Беларусбанк» трэці год запар падтрымлівае «Крылы» і ўдзельнічае ў развіцці інклюзіўнага спорту.
ДАВЕДАЧНА: У 2017 годзе за сродкі «Беларусбанка» выраблена ўніверсальная бегавая каляска, з дапамогай якой Ангелы да сённяшняга дня прымаюць удзел у забегах любой складанасці. У мінулым годзе банк вылучыў спонсарскую дапамогу на набыццё спартыўнага інвентара і формы.
Аддзел камунікацый