Эстафета агню II Еўрапейскіх гульняў працягваецца і трымае курс на ўсход. Напярэдадні «Полымя міру» даставілі ў Пінск. Варта заўважыць, што менавіта тут стваралі спартыўную экіпіроўку для беларускіх атлетаў - некалькі тысяч яркіх і ўжо вядомых у Еўропе камплектаў.
Падтрымаць і стаць яшчэ бліжэй да самай маштабнай спартыўнай падзеі нашай краіны імкнецца і найбуйнейшы банк рэспублікі. Яшчэ мінулым летам «Беларусбанк» стаў Нацыянальным партнёрам II Еўрапейскіх гульняў 2019 года.
Першым факеланосцам ад банка ў горадзе Пінску выступіў намеснік старшыні праўлення Сяргей Мельнік.
Сэнс акцыі зразумелы: эстафета павінна пазнаёміць гасцей Гульняў з Беларуссю. А беларусаў - запаліць ідэяй аднаго вялікага агульнага свята. Ужо 17 чэрвеня «Полымя міру» сустрэнуць у Мінску. Да гэтага моманту палаючы сімвал будучага форуму пранясуць у руках і іншыя прадстаўнікі Топ-менеджменту найбуйнейшага банка краіны.
Нязменным прыярытэтам «Беларусбанка» ў рэалізацыі карпаратыўнай сацыяльнай адказнасці застаецца падтрымка спорту вышэйшых дасягненняў. Банк актыўна дапамагае развіццю футбола, баскетбола, хакея, фрыстайла і настольнага тэніса ў Беларусі.
Аддзел камунікацый