Навіны банка і прэс-рэлізы
02.04.2019

У «Беларусбанку» прайшла прэзентацыя II Еўрапейскіх Гульняў і гэта яшчэ не ўсё

У Галаўным офісе прайшла прэзентацыя будучых II Еўрапейскіх Гульняў, Нацыянальным партнёрам якіх стаў «Беларусбанк». Да пачатку маштабнага спартыўнага мерапрыемства засталося ўжо менш за 100 дзён. Супрацоўнікі фінансавай установы азнаёміліся з гісторыяй з'яўлення такіх мультыспартыўных спаборніцтваў на еўрапейскім кантыненце, краінах-удзельніцах і спартыўных аб'ектах, прызначаных для правядзення Гульняў. Прадстаўнікі найбуйнейшага банка краіны таксама змаглі пазнаёміцца з зорнымі пасламі і дэталёва даведацца аб маршруце эстафеты агню «Полымя свету». Вялікую цікавасць у жыхароў розных краін выклікае валанцёрскі рух у перыяд правядзення Гульняў. Конкурс складае 3 асобы на месца.

II Европейские Игры – презентация

У рамках прэзентацыі спартыўнай падзеі супрацоўнікі банка таксама змаглі бліжэй пазнаёміцца і зрабіць фота на памяць з талісманам Гульняў - вялікім яркім Лесікам і галоўным персанажам «Азбукі фінансавай граматнасці ад Беларусбанка» - Грошыкам.

талисман II Европейских Игр

Грошик и Лисик

талисман игр и публика

Удзел у прэзентацыі таксама прынялі зорныя паслы II Еўрапейскіх Гульняў - алімпійскі чэмпіён па фехтаванні Аляксандр Раманькоў і ўладальніца тытулаў «Міс Беларусь – 2018», «Міс свету Еўропа» Марыя Васілевіч. Пасля размовы з публікай вядомыя госці дружна пацвердзілі, што перавагу ў кожным з відаў спорту яны ўпэўнена аддаюць адной краіне - Рэспубліцы Беларусь.

Мисс мира Европа на презентации II Европейских Игр

Каманда банка - актыўны ўдзельнік розных ініцыятыў, якія праводзіць Дырэкцыя Гульняў, у тым ліку праектаў «Bright Boxing Training», «Bright Squash», «Bright Mind». Адно з найбольш яркіх мерапрыемстваў - вертыкальны забег у Нацыянальнай бібліятэцы, арганізаваны сумесна з Дырэкцыяй і партнёрамі гульняў.

Цяперашняя сустрэча таксама не стала выключэннем. Пасля завяршэння афіцыйнай часткі ў Галаўным офісе банка адбыўся сяброўскі турнір па міні-футболе «Bright football» з удзелам зборных каманд «Беларусбанка», Дырэкцыі II Еўрапейскіх Гульняў і Нацыянальнага сходу Рэспублікі Беларусь. Гэта той самы выпадак, калі вынік і пераможца спартыўных баталій апыняюцца на другім плане.

мини-футбол в здании Беларусбанка

мини-футбол

подарки участникам мини-футбола

талисман II Европейских Игр и участники

«Беларусбанк» на працягу многіх гадоў падтрымлівае спорт высокіх дасягненняў. У банку разумеюць, што падобныя Гульні міжнароднага ўзроўню прыцягнуць увагу да Беларусі не толькі тысячы прыхільнікаў, але і сотні турыстаў, у краіну прыедуць прадстаўнікі самых розных сродкаў масавай інфармацыі. Дастойны ўзровень правядзення спаборніцтваў у чарговы раз пацвердзіць імідж Беларусі як гасціннай і адкрытай еўрапейскай дзяржавы.

Аддзел камунікацый