«Беларусбанк» падтрымаў міжнародныя спаборніцтвы па фрыстайле і біятлонны фестываль «Гонка легенд», якія праходзілі на мінулым тыдні ў Раўбічах.
«Гонка легенд» сабрала як аматараў біятлону, так і легенд гэтага віду спорту ўжо ў трэці раз. У рамках фестывалю прайшлі мужчынскі і жаночы масавыя старты, змешаная эстафета, майстар-класы ад зорак сусветнага біятлону. Менавіта на гэтай «Гонцы легенд» афіцыйна з вялікім спортам развіталіся Дар'я Домрачава і Надзея Скардзіна.
Ужо праз тры дні пасля біятлоннага фестывалю Раўбічы прымалі чарговы этап Кубка свету па фрыстайле і турнір па сінхронных скачках, у гісторыі сусветнага фрыстайлу ён праводзіўся ўпершыню.
Даведачна.
У рамках праекта «Беларусбанк. Пераможам разам!» банк аказвае падтрымку спорту высокіх дасягненняў, а таксама выступае за развіццё фізічнай культуры і здаровага ладу жыцця.
Аддзел камунікацый