27 лістапада 2018 года ва Франкфурце-на-Майне адбылася 10-я канферэнцыя ААТ «ААБ Беларусбанк» для партнёраў і кліентаў Банка. Усяго ў ёй прынялі ўдзел каля 100 прадстаўнікоў, у тым ліку фінансавых інстытутаў і страхавых кампаній з Германіі, Расіі, Швейцарыі, Аўстрыі, Кітая, Італіі, Нідэрландаў, Бельгіі і іншых краін, а таксама - Сусветнага банка, Міжнароднай фінансавай карпарацыі.
Удзельнікам канферэнцыі таксама стала дэлегацыя органаў дзяржкіравання Рэспублікі Беларусь: Міністэрства фінансаў і Нацыянальны банк.
Актыўна былі прадстаўлены кліенты Банка, у ліку якіх: ААТ «Гродна Азот», ААТ «Мазырскі НПЗ», СТАА «Белвест», ААТ «Беларускі металургічны завод - кіруючая кампанія холдынгу БМК», ГА «Беларуская чыгунка», РУП «Мінскэнерга» , «Кіруючая кампанія холдынгу «Белкамунмаш», ТАА «ММПЗ Груп» і іншыя.
Даклады, прэзентацыі, тэматыка панэльных дыскусій далі ўдзельнікам канферэнцыі інфармацыю аб інвестыцыйным клімаце Беларусі, напрамках перспектыўнага супрацоўніцтва, прадэманстравалі патэнцыял ААТ «ААБ Беларусбанк» як вядучага Банка краіны.
Партнёрства - гэта ключ да поспеху ў свеце, які імкліва змяняецца. «Беларусбанк» заўсёды адкрыты да дыялогу і супрацоўніцтва. Гэта дазваляе адпавядаць дынаміцы рынка, узнікшым новым рашэнням і патрэбам кліентаў, а таксама захоўваць лідзіруючыя пазіцыі.
Падчас юбілейнай канферэнцыі праведзены шэраг перагавораў з удзелам замежных партнёраў і кліентаў Банка, накіраваных на развіццё ўзаемавыгадных сувязяў.
Для супрацоўнікаў і кліентаў Банка праведзены семінары па тэматыцы «Бяспечнае вядзенне бізнесу», а таксама «Развіццё і замежная экспансія бізнесу» на базе Аб'яднання «Крэдытрэформ» з прыцягненнем Агенцтва развіцця Франкфурта.
Аддзел камунікацый ААТ «ААБ Беларусбанк»