У Мінску прайшла галоўная падзея Сусветнага тыдня прадпрымальніцтва (GEW Belarus). «Беларусбанк» другі год запар стаў партнёрам Нацыянальнага конкурсу «Прадпрымальнік года», які завяршыўся цырымоніяй узнагароджання пераможцаў. Мерапрыемства адкрыў Прэм'ер-міністр Беларусі Сяргей Румас.
Лепшых прадстаўнікоў прыватнага сектара краіны павіншавала кіраўніцтва «Беларусбанка».
Пераможцам ад Банка былі ўручаны сертыфікаты на атрыманне зніжкі ў памеры 50% кошту абанентнай платы за карыстанне пакетам паслуг тэрмінам на 1 год. Сертыфікаты атрымалі ўсе 26 пераможцаў, 8 з якіх з'яўляюцца кліентамі «Беларусбанка».
Сёння для суб'ектаў малога і сярэдняга прадпрымальніцтва «Беларусбанк» прадастаўляе шэраг паслуг: банкаўскія, лізінгавыя, кансалтынгавыя, брокерскія. У Банку паспяхова рэалізуецца Праграма падтрымкі суб'ектаў малога і сярэдняга бізнесу, у рамках якой для прадстаўнікоў прыватнага сектара дзейнічае шырокая лінейка крэдытных прадуктаў, уключаючы крэдыты для пачынаючых прадпрымальнікаў і для інавацыйных праектаў.
Аддзел камунікацый ААТ «ААБ Беларусбанк»