ААТ «ААБ Беларусбанк» з 1 кастрычніка 2018 года ўводзіць камісію за правядзенне абмежаванага спісу плацяжоў у касах банка.
Найбольш запатрабаваныя плацяжы, якія насельніцтва ажыццяўляе ў аддзяленнях банка, у прыватнасці, аплата камунальных паслуг і гарадскога тэлефона, застануцца бясплатнымі. Узнагароджанне не будзе спаганяцца з ветэранаў ВАВ, а таксама за плацяжы:
- у бюджэт (падаткі, зборы, пошліны, штрафы);
- на карысць грамадскіх аб'яднанняў;
- на дабрачынныя рахункі;
- у выглядзе ўзносаў страхавымі агентамі;
- на карысць ААТ «ААБ Беларусбанк».
Камісія за кожны плацеж у касе банка за навучанне, паркоўку, паслугі Інтэрнэт і г.д. абыйдзецца ў 1 бел. руб.
Усе плацяжы, за якія будзе спаганяцца ўзнагароджанне, можна ажыццявіць у каналах дыстанцыйнага банкаўскага абслугоўвання бясплатна: Інтэрнэт-банкінгу, М-банкінгу, інфакіёсках.
З 16 ліпеня 2018 года «Беларусбанк» адмяніў спагнанне ўзнагароджання за рэгістрацыю ў сістэме Інтэрнэт-банкінг, у тым ліку on-line рэгістрацыю, і выдачу карты кодаў пры рэгістрацыі ў сістэме.
У рамках развіцця лічбавых тэхналогій з выкарыстаннем мабільных тэлефонаў, «Беларусбанкам» рэалізавана магчымасць аплаты тавараў і паслуг з дапамогай сэрвісаў Belarusbank Pay, Samsung Pay, а таксама QR-кода, у тым ліку ў прыкладанні мабільны банкінг паслугі ў сістэме АРІП. Гэта зручна, бяспечна, хутка.
Павелічэнне долі безнаяўных плацяжоў, прымяненне сучасных тэхналогій і спосабаў аплаты - ключавыя напрамкі развіцця сістэмы безнаяўных разлікаў у краіне. «Беларусбанк» распрацоўвае інавацыйныя прадукты, увесь час удасканальваючы існуючыя, з мэтай павышэння зацікаўленасці насельніцтва ў захоўванні грашовых сродкаў на банкаўскіх рахунках, а таксама для фарміравання даверу кліентаў да сучасных плацежных інструментаў.
На сённяшні дзень амаль 2 мільёны кліентаў «Беларусбанка» карыстаюцца Інтэрнэт-банкінгам, каля 500 000 беларусаў карыстаюцца паслугамі М-банкінгу, а доля безнаяўных плацяжоў, якія здзяйсняюцца ў ДБА, складае 74,1%.
Даведачна:
У 2016 годзе Нацыянальны банк распрацаваў стратэгію развіцця лічбавага банкінгу ў Рэспубліцы Беларусь на 2016-2020 гг. У адпаведнасці з ёй доля безнаяўнага грашовага абароту ў рознічным тавараабароце да пачатку 2021 года павінна быць не менш за 40% (у 2017-м - 35,4%, прырост за год склаў 5,5%). Таксама, да канца дзеяння стратэгіі ў кожным банку доля кліентаў, фізічных асоб, падключаных да каналаў дыстанцыйнага банкаўскага абслугоўвання, павінна складаць не менш за 60%.
Аддзел камунікацый ААТ «ААБ Беларусбанк»