У самым маладым горадзе Беларусі - Астраўцы - адбылася ўрачыстая цырымонія адкрыцця будынка цэнтра банкаўскіх паслуг №417 ААТ «ААБ Беларусбанк».
У кожным кутку Беларусі найважнейшая задача банка - забеспячэнне доступу да фінансавых паслуг і павышэнне фінансавай граматнасці насельніцтва.
У абноўленым ЦБП зроблена ўсё, каб максімальна хутка і якасна аказваць кліентам неабходныя паслугі, забяспечваць эфектыўнае і выгаднае ўзаемадзеянне як для прадпрыемстваў рэгіёну, так і для банка. Віктар Ананіч выказаў надзею, што дзякуючы новым тэхналогіям і прафесійнаму ўзроўню спецыялістаў, знаходжанне кліентаў у ЦБП пакіне самыя добрыя ўражанні.
Для мясцовых жыхароў і прадпрыемстваў адкрыццё сучаснага будынка «Беларусбанка» - значная падзея і своеасаблівы паказчык узроўню развіцця горада. Цэнтр банкаўскіх паслуг №417 аказвае ўвесь спектр банкаўскіх паслуг насельніцтву, арганізацыям і прадпрымальнікам Астраўца.
Даведачна: кліенцкая база ЦБП (юрыдычныя асобы і індывідуальныя прадпрымальнікі, з улікам бюджэтных арганізацый) складае 320 кампаній. Найбольш буйнымі з'яўляюцца: РУП «БелАЭС», КСУП «Гудагай», КСУП «Варняны», КСУП «Гервяты», КСУП «Міхалішкі», РУП «Астравецкі саўгас «Падольскі», Астравецкае РУП ЖКГ, вытворчае ўнітарнае прадпрыемства «ЦБК-Кардон».
Больш за 14 000 гараджан з'яўляюцца трымальнікамі плацежных картак і абслугоўваюцца ў ЦБП.
Аддзел камунікацый ААТ «ААБ Беларусбанк»