Навіны банка і прэс-рэлізы
26.07.2018

«Беларусбанк» сумесна з партнёрамі прадставіў новы сэрвіс «Служба дапамогі аўтамабілістам у адзін клік» (прэс-рэліз)

ААТ «ААБ Беларусбанк» запусціў новы сэрвіс, які дазваляе забяспечыць выклік і аплату службы дапамогі праз мабільнае прыкладанне aisDrive. Праект рэалізаваны сумесна з ТАА «Белспецаўтаэвакуацыя» - службай дапамогі на дарогах, а таксама кампаніяй ТАА «Інтэлектуальныя гарадскія сістэмы» - распрацоўшчыкам мабільнага прыкладання aisDrive. Тэхнічную падтрымку ажыццявіў партнёр банка па аказанні паслуг інтэрнэт-плацяжоў для трымальнікаў плацежных картак - ТАА «Кампанія Электронных Плацяжоў «АССІСТ».

evac_promo1

Цяпер трымальнікі плацежных картак ААТ «ААБ Беларусбанк» і іншых банкаў у выпадку неабходнасці могуць праз мабільнае прыкладанне aisDrive выклікаць і аплаціць службу дапамогі на дарогах. Дастаткова запоўніць форму заяўкі ўнутры прыкладання, пасля чаго служба дапамогі прыбудзе ў пазначанае месца, пры гэтым карыстальнік зможа адсочваць месцазнаходжанне машыны службы эвакуацыі на шляху да яго.

У бліжэйшы час сэрвіс папоўніцца і іншымі магчымасцямі: завесці аўтамабіль у холад, зарадзіць разраджаны акумулятар, даставіць каністру з палівам ці адрамантаваць пашкоджаную ў дарозе пакрышку.

Прыкладанне для скачвання даступна ў Арр Store і Google Play.

Жадаеце заўсёды быць у курсе апошніх навін? Падпішыцеся!