Па выніках працы за 2017 год ААТ «ААБ Беларусбанк» стала ўладальнікам узнагароды ад KBC Bank N.V., г. Брусель, Бельгія, за высокія дасягненні ў сферы міжбанкаўскага партнёрства – «KBC Partnership Award 2017».
На працягу некалькіх гадоў KBC Bank з'яўляецца адным з асноўных банкаў-карэспандэнтаў ААТ «ААБ Беларусбанк» у еўрапейскім рэгіёне і дэманструе гатоўнасць да пашырэння маштабаў супрацоўніцтва. Так, у бягучым годзе ў KBC Bank адкрыты карэспандэнцкія рахункі Ностра ў фунтах стэрлінгах і шведскіх кронах, што сведчыць аб высокім узроўні даверу да дзейнасці Банка.
Развіццё супрацоўніцтва з KBC Bank, адным з еўрапейскіх лідараў у сферы карэспандэнцкіх адносін, дазваляе ААТ «ААБ Беларусбанк» аказваць сваім кліентам разліковыя паслугі на высокім міжнародным узроўні.
Даведачна:
KBC Bank утвораны ў 1998 годзе шляхам зліцця Almanij Kredietbank group і CERA Bank group (CERA). У цяперашні час займае другое месца ў Бельгіі па памеры актываў і 89-е месца ў свеце (па стане на 01.01.2018 актывы склалі 256 мільярдаў еўра). Акрамя ўнутранага рынку, KBC Bank трывала ўтрымлівае пазіцыі на рынках Цэнтральнай і Усходняй Еўропы, а таксама выбарачна прадстаўлены ў шэрагу іншых рэгіёнаў.
У сакавіку 2017 года ААТ «ААБ Беларусбанк» было адзначана ўзнагародай KBC Bank за высокую якасць афармлення міжнародных банкаўскіх пераводаў «Euro STP Excellence Award».