ААТ «ААБ Беларусбанк» выступіў спонсарам конкурсу «Comedy.by» па стварэнні камедый для Беларускага драматычнага тэатра. Прызавы фонд праекта - 20 000 рублёў. Аўтар п'есы, якой прафесійнае журы прысудзіць гран-пры, атрымае прэмію ў памеры 8 000 рублёў. Прадугледжаны таксама першая, другая і трэцяя прэміі.
Банк супрацоўнічае з драматычным тэатрам ужо не першы год, у тым ліку ў рамках рэалізацыі аднаго з праектаў карпаратыўнай сацыяльнай адказнасці «Беларусбанк. Прастора натхнення».
«Падтрымліваючы конкурс «Сomedy.by», мы чакаем, што рэпертуар драмтэатра пашырыцца за кошт сучасных арыгінальных твораў і гэта дасць штуршок развіццю камедыйнага жанру ў краіне ў цэлым. Жадаем поспеху драматургам, паколькі разумеем, што камедыя - няпросты жанр, ён патрабуе ад аўтара добрага адчування гумару і ўмення тонка падмячаць, здавалася б, нязначныя дэталі», - адзначыў Дзмітрый Бакіноўскі.
Прамежкавыя вынікі творчага конкурсу «Сomedy.by» будуць вядомыя ў верасні-кастрычніку. Зацверджаны шорт-ліст п'ес, якія выйдуць у фінал, аўтары змогуць убачыць на сайце Цэнтра беларускай драматургіі.
Прэс-служба ААТ «ААБ Беларусбанк»