«Беларусбанк» выступіў генеральным спонсарам штогадовай міжнароднай канферэнцыі «Беларусь: гандлёвае фінансаванне 2018», якая праходзіць у Мінску. Сталіца стала адной з найбуйнейшых пляцовак на тэрыторыі СНД для сустрэч экспартных крэдытных агенцтваў, банкаў, буйных кампаній. Агляд глабальнага эканамічнага клімату і яго ўплыў на беларускі рынак, патрэбнасці і перспектывы развіцця экспартнага і гандлёвага фінансавання, роля міжнародных фінансавых інстытутаў - гэтыя і іншыя пытанні разглядаліся ў рамках канферэнцыі.
У дыскусіях прынялі ўдзел прадстаўнікі Аўстрыі, Арменіі, Беларусі, Германіі, Егіпта, Ірландыі, Італіі, Канады, Кітая, Македоніі, ААЭ, Амана, Украіны, Расіі, Славеніі, Фінляндыі, Францыі, Чэхіі, Швецыі, Японіі. Колькасць удзельнікаў канферэнцыі, а таксама іх геаграфія сведчаць аб значнай цікавасці міжнародных фінансавых колаў да паглыблення супрацоўніцтва і інтэграцыі з нашай краінай у пытаннях структуравання здзелак знешнеэканамічнага характару і павышэння іх эфектыўнасці.
Кіраўнік буйнейшага айчыннага банка выказаў упэўненасць, што цяперашняя канферэнцыя, як і ў папярэднія гады, будзе спрыяць усталяванню новых дзелавых кантактаў і рэалізацыі ініцыятыў.
Партнёры «Беларусбанка» - гэта больш за 100 банкаў з 35 краін свету. Банк прадастаўляе кліентам магчымасць фінансавання знешнегандлёвых кантрактаў з контрагентамі з любога кутка планеты, гатовы да ўдзелу ў рэалізацыі буйнамаштабных інвестыцыйных праектаў у розных галінах эканомікі.
Далейшаму развіццю гандлёвага фінансавання будзе спрыяць рашэнне экспертаў Арганізацыі эканамічнага супрацоўніцтва і развіцця аб павышэнні Рэспублікі Беларусь у класіфікацыі краінавых рызык з 7-й у 6-ую катэгорыю, а таксама павышэнне міжнародным рэйтынгавым агенцтвам Fitch Ratings рэйтынгаў ААТ «ААБ Беларусбанк».
Прадуктыўныя дыскусіі спецыялістаў з мясцовых і міжнародных банкаў, а таксама прадстаўнікоў краін СНД, асабістыя зносіны з непасрэднымі ўдзельнікамі здзелак прызначаны садзейнiчаць знаходжанню рашэнняў многіх пытанняў і ўмацаванню дзелавых кантактаў, набыцці новых партнёраў.
Арганізатар канферэнцыі - кампанія WorldwideExpert Conferences пры падтрымцы Еўрапейскага Банка Рэканструкцыі і Развіцця.
Прэс-служба ААТ «ААБ Беларусбанк»