III Міжнародны фінансава-банкаўскі форум дзяржаў-удзельніц СНД «Мінскія дзелавыя сустрэчы» адкрыўся сёння ў сталіцы рэспублікі. Ён арганізаваны фінансава-банкаўскім саветам СНД пры падтрымцы ўрада Беларусі і Выканаўчага камітэта СНД. Генеральным партнёрам форума выступіў "Беларусбанк".
«Ужо ў трэці раз Мінск прадастаўляе адну з найбуйнейшых пляцовак для ўзаемадзеяння паміж прадстаўнікамі вядучых фінансавых інстытутаў, органаў дзяржаўнага кіравання і бізнес-суполак краін-удзельніц СНД. Гэта важна для ўсталявання і падтрымання партнёрскіх адносін паміж прадстаўнікамі вядучых фінансавых інстытутаў, абмеркавання актуальных пытанняў, прэзентацый новых магчымасцей, паспяховага абмену вопытам», - падкрэсліў у сваім прывітальным слове Старшыня Праўлення ААТ «ААБ Беларусбанк» Віктар Ананіч.
Тэмамі абмеркавання сталі развіццё фінансава-эканамічнага супрацоўніцтва на прасторы СНД, рынак страхавых паслуг, трэнды развіцця інфармацыйных тэхналогій у фінансавай сферы.
«Мерапрыемства дазволіла выявіць і абмеркаваць існуючыя праблемы і намеціць шляхі іх рашэння ў сучасных умовах. Фармат і ўзровень мерапрыемства, якое адбылося забяспечылі эфектыўны абмен меркаваннямі вядучых спецыялістаў ключавых галін эканомікі і фінансаў па найбольш актуальных пытаннях эканамічнага развіцця СНД,- падкрэсліў Віктар Ананіч. – Мы жывем у эпоху пастаянных змяненняў, высокай канкурэнцыі і абставін, якія хутка адбываюцца . Беларусбанк актыўна ідзе за глабальнымі тэндэнцыямі дзелавога свету, у адпаведнасці з новай стратэгіяй развіцця, укараняючы актуальныя падыходы да прыняцця рашэнняў, гібка рэагуючы на выклікі часу і патрэбы кліентаў, а таксама прагназуючы магчымыя перамены ў эканоміцы, і адпаведна, удасканальваючы свае працэсы і тэхналогіі. Словам, нам ёсць чым падзяліцца з замежнымі калегамі, ды і іх вопыт будзе для нас карысным».
Асобная сесія прысвечана ААТ «ААБ Беларусбанк», у рамках якой будуць абмяркоўвацца сучасныя інструменты падтрымкі экспартнага патэнцыялу прадпрыемстваў, а таксама паспяховы вопыт іх укаранення.
Дзякуючы якаснаму сэрвісу, рэпутацыі і практыцы вядзення міжнароднага бізнесу банк пашырае сваю міжнародную партнёрскую сетку, прыцягвае замежныя актывы ў беларускую эканоміку і эканомікі краін СНД, рэалізуе шэраг значных і буйнамаштабных праектаў. Эфектыўнае функцыянаванне замежных прадстаўніцтваў дазваляе банку быць бліжэй да ўсіх зацікаўленых кліентаў і замежных партнёраў.
Дамінуючая тэма выступленняў - узаемныя інвестыцыі - драйвер для краінавых эканомік. Дырэктар Аб'яднання ашчадных кас Германіі, Старшыня Камітэта па каардынацыі WSBI-ESBG Вольфганг Нэйман гаварыў аб зацікаўленасці супрацоўніцтва з «Беларусбанкам».
Па выніках «Мінскіх дзелавых сустрэч» будуць выпрацаваны рэкамендацыі па павышэнні эфектыўнасці супрацоўніцтва ў СНД, у прыватнасці, у галіне развіцця фінансавых рынкаў, укаранення прагрэсіўных банкаўскіх тэхналогій і прадуктаў, пашырэння экспартна-імпартных паставак.
У цэлым, у рабоце мерапрыемства прынялі ўдзел каля 250 прадстаўнікоў з краін СНД і далёкага замежжа.
Прэс-служба ААТ «ААБ Беларусбанк»