«Беларусбанк» рэалізаваў праект па аплаце паслуг паркоўкі з дапамогай спецыяльных устройстваў – паркаматаў на паркоўцы, размешчанай на скрыжаванні вуліц Віленскай і Ажэшка ў Гродне.
Праект рэалізаваны банкам сумесна з АУВП «Гродзенская гарадская жаллёва-камунальная гаспадарка» і ТАА «Аўтаматызаваныя паркоўкі». Ажыццявіць плацеж аўтаўладальнік можа некалькімі спосабамі: наяўнымі, банкаўскай карткай або праз сістэму «Разлік» (АІС АРІП) з дапамогай паслуг Мабільнага і Інтэрнэт-банкінгу. Да аплаты прымаюцца карткі нацыянальнай плацежнай сістэмы БЕЛКАРТ, а таксама міжнародных сістэм MasterCard Worldwide і Visa International як айчынных, так і замежных банкаў.
Намеснік начальніка ЦРБ філіяла № 400 – Гродзенскага абласнога ўпраўлення Наталля Сахарэвіч высока ацаніла магчымасці ўстройства.
«У эпоху новых тэхналогій асабліва актуальна пытанне аб правядзенні фінансавых аперацый без страты часу на наведванне банкаўскіх аддзяленняў, таму адной з стратэгічных задач «Беларусбанка» на рынку плацежных картак з’яўляецца развіццё сэрвісаў дыстанцыйнага банкаўскага абслугоўвання. Сённня нашы кліенты могуць ажыццяўляць шырокі спектр банкаўскіх аперацый з дапамогай мабільных тэлефонаў, выкарыстоўваючы паслугі SMS- і М-банкінг, Інтэрнэту – паслуга Інтэрнэт-банкінг, і нават тэлебачання, дзякуючы ТВ-банкінгу», – адзначыла Наталля Сахарэвіч.
Для трымальнікаў плацежных картак у Гродзенскай вобласці банкам усталяваны 142 банкаматы і 233 інфакіёскі. У сферы эквайрынгу арганізацый гандлю і сэрвісу на працягу многіх гадоў банк займае лідзіруючыя пазіцыі. Сёння расплаціцца за пакупкі з дапамогай банкаўскай карткі можна больш чым у 3000 арганізацый гандлю і сэрвісу Гродна і больш чым у 6000 у цэлым па вобласці. Дарэчы, у 2014 годзе банк першым у краіне прапанаваў гандлёва-сэрвісным арганізацыям новае рашэнне для прыёму плацяжоў па картках, заснаванае на тэхналогіі мабільнага эквайрынгу – сэрвіс «ГандлярОК», які дазваляе прымаць карткі для аплаты тавараў і паслуг з дапамогай смартфона і далучаемага да яго спецыяльнага счытвальнага ўстройства. Зараз сярод трымальнікаў картак набірае папулярнасць магчымасць набыцця тавараў у Інтэрнэце.
Рэалізацыя плана заклікана садзейнічаць зняццю транспартнай напружанасці з гістарычнага цэнтра, а таксама гарантаваць парковачнае месца для тых, хто прыязджае сюды па справах.
Для ўезду на тэрыторыю паркоўкі вадзіцелю транспартнага сродку неабходна спыніцца насупраць уязнога тэрміналу і забраць аўтаматычна раздрукаваны парковачны талон з персанальным нумарам, а таксама варыянтамі аплаты паркоўкі ў АРІП і з дапамогай SMS-паведамленняў. У момант атрымання парковачнага талона аўтаматычна падымаецца шлагбаўм. Пры праездзе сістэмай фіксуецца нумар транспартнага сродку і час заезду.
Кошт паркоўкі вагаецца ад 5000 да 10000 руб./гадзіна, у залежнасці ад часу, на які размяшчаецца транспартны сродак. Зыходзячы з тарыфаў («Дзённы», «Начны» і «Кругласутачны») аўтаўладальнікі могуць набыць абанемент на месяц паркоўкі.
Прэс-служба ААТ «ААБ Беларусбанк»