Навіны банка і прэс-рэлізы
23.12.2015

«Беларусбанк» аказаў падтрымку тромстам суб’ектам малога і сярэдняга бізнесу (прэс-рэліз)

Праграма падтрымкі малога і сярэдняга бізнесу, якая рэалізуецца «Беларусбанкам», на справе даказала сваю эфектыўнасць. Каля трохсот  суб’ектаў гэтага сектару эканомікі скарысталіся прапановай праграмы.

Адным з асноўных інструментаў садзеяння развіццю вытворчага патэнцыялу і дзелавой ініцыятывы малога і сярэдняга бізнесу выступаюць банкаўскія крэдыты.  За час дзеяння праграмы было заключана крэдытных дагавораў на суму больш за 300 млрд. бел. рублёў.

Спецыялісты банка прымаюць актыўны ўдзелу перадкантрактнай рабоце з кліентамі, накіраванай на выкарыстанне суб’ектамі гаспадарання аптымальных схем у разліках па знешнегандлёвых кантрактах. У прыватнасці, на замяшчэнне прамога крэдытавання інструментамі гандлёвага фінансавання, што дазваляе паменшыць кошт крэдытуемага праекта, знізіць краінавыя рызыкі, выкарыстоўваць для разлікаў рэсурсы замежных банкаў.

«Статыстыка сведчыць, што доля малогаі сярэдняга бізнесу ў заходніх краінах дасягае 60%, у Японіі – 70%, у Расіі – 21%, у нас – каля 15, - адзначае намеснік старшыні праўлення ААТ «ААБ Беларусбанк» Аляксандр Паліўка. – Мяркую, што прапанаваная банкам праграма падтрымкі малогаі сярэдняга бізнесу будзе садзейнічаць станоўчай дынаміцы развіцця гэтага сектару эканомікі. Бо за ім – павышэнне дзелавой актыўнасці насельніцтва, стварэнне новых працоўных месцаў, рост інавацыйнай і інвестыцыйнай дзейнасці, а значыць, рост дабрабыту грамадства».

Для банка – гэта дыверсіфікацыя кліенцкай базы, развіццё кліента арыентаванай мадэлі вядзення бізнесу.

«Наша крэда – расціць свайго кліента. Для гэтага ў найбліжэйшы час мы прапануем выключныя ўмовы крэдытавання стартапаў – палова стаўкі рэфінансавання. Думаю, што гэты крок будзе садзейнічаць пашырэнню кліенцкай базы», - падзяліўся Аляксандр Паліўка.

Колькасць кліентаў, якія знаходзяцца на абслугоўванні у банку,  складае каля 68 тыс., у тым ліку больш за 46,7 тыс. суб’ектаў малогаі сярэдняга прадпрымальніцтва, з якіх  31 тыс. – індывідуальныя прадпрымальнікі. Доля дадзенага сегменту ў кліенцкай базе банка складае каля 70%. Суб’екты малогаі сярэдняга прадпрымальніцтва ахопліваюць практычна ўсе сферы дзейнасці і ўсе галіны, але разам з тым, найбольшая іх колькасць занята ў сферы гандлю і грамадскага харчавання, транспарту, будаўніцтва.

 

Прэс-служба ААТ «ААБ Беларусбанк»

Жадаеце заўсёды быць у курсе апошніх навін? Падпішыцеся!