Навіны банка і прэс-рэлізы
05.05.2015

Грашовы перавод з хуткасцю SMS

ААТ «ААБ Беларусбанк» першым у рэспубліцы прадаставіла кліентам магчымасць ажыццяўляць грашовыя пераводы па нумары тэлефона. Грашовыя сродкі становяцца даступнымі ў рэжыме рэальнага часу. Новы сэрвіс даступны трымальнікам картак банка – карыстальнікам паслугі М-банкінг.

Пры адпраўцы сябрам і знаёмым грашовых сродкаў з дапамогай новага сэрвісу не трэба ўводзіць нумар карткі атрымальніка пераводу і тэрмін яе дзеяння, а дастаткова ўказаць толькі нумар тэлефона і суму пераводу. Для атрымання пераводу (пасля прыёму паведамлення мабільным тэлефонам або планшэтам) неабходна запусціць дадатак M-Belarusbank і ў экраннай форме, якая адкрылася, выканаць дзеянні па прыёме або адмене пераводу.

Пры жаданні адпраўшчык пераводу можа запоўніць інфармацыйнае паведамленне ў полі «Каментарый для атрымальніка» (напрыклад: на школьныя абеды або купі прадукты).

Скарыстацца новай функцыянальнасцю можна пасля абнаўлення пераліку даступных аперацый у раздзеле папулярныя плацяжы дадатку M-Belarusbank (прыкмета наяўнасці даступных да абнаўлення аперацый з’яўляецца ў карыстальнікаў М-банкінгу, якія праводзілі любыя аперацыі з 05.05.2015).

Падрабязную інфармацыю аб пераводзе сродкаў з выкарыстаннем картак (іх рэквізітаў) можна паглядзець тут.