Аперацыі з каштоўнымі паперамі для фізічных асоб

Дакументарныя аблігацыі банка размяшчаюцца ў любым аддзяленні банка, якое ажыццяўляе аперацыі з аблігацыямі, у межах існуючага ў ім астатку бланкаў аблігацый адпаведных выпускаў.

Дакументарныя аблігацыі банка для фізічных асоб з’яўляюцца дакументамі на прад’яўніка. Значыць, аперацыі з гэтымі каштоўнымі паперамі ажыццяўляюцца без прад’яўлення дакумента, які сведчыць асобу.

Разам з тым, у адпаведнасці з патрабаваннямі заканадаўства ў сферы прадухілення легалізацыі даходаў, атрыманых злачынным шляхам, фінансавання тэрарыстычнай дзейнасці і фінансавання распаўсюджання зброі масавага паражэння пры ажыццяўленні адзінаразовай аперацыі з аблігацыямі на прад’яўніка за наяўны разлік на суму, якая раўняецца або перавышае 1000 базавых велічыняў у рублёвым эквіваленце, банкам ажыццяўляецца ідэнтыфікацыя кліента шляхам запатрабавання дакумента, які сведчыць асобу.

У адпаведнасці з арт. 149 Грамадзянскага кодэкса Рэспублікі Беларусь аднаўленне правоў па страчаных аблігацыях на прад’яўніка ажыццяўляецца судом у парадку, прадугледжаным працэсуальным заканадаўствам. Асаблівасці разгляду спраў аб аднаўленні правоў па аблігацыях на прад’яўніка вызначаны ў раздзеле 8 Грамадзянскага працэсуальнага кодэкса Рэспублікі Беларусь (далей - ГПК).

Пры страце аблігацыі на прад’яўніка, асобе, якая страціла аблігацыю, неабходна звярнуцца ў суд па месцы знаходжання ўстановы банка, выдаўшага аблігацыю, з заявай аб аднаўленні правоў.

У сілу арт. 385 ГПК пры збуджэнні справы ў сувязі са стратай аблігацыі на прад’яўніка, суддзя ў парадку падрыхтоўкі справы выносіць пастанову аб забароне ажыццяўляць па ёй плацяжы і выдачы, якая адразу ж накіроўваецца для выканання ў ААТ «ААБ Беларусбанк».

Пасля таго, як суд вынесе пастанову аб аднаўленні правоў па страчаных аблігацыях, асобе, якая страціла аблігацыю, неабходна звярнуцца ва ўстанову банка, у якой набывалася страчаная аблігацыя з вышэйпазначанай пастановай. На падставе паступіўшай пастановы аб аднаўленні правоў па страчаных аблігацыях, установа банка ажыццяўляе выплату належных па іх грашовых сродкаў (намінальны кошт аблігацыі і неатрыманы працэнтны даход) у адпаведнасці з умовамі пагашэння (датэрміновага пагашэння) аблігацый, вызначанымі ў Праспекце эмісіі аблігацый.

Па аблігацыях датэрміновае пагашэнне магчыма толькі ў выпадку, калі яно прадугледжана эмісійнымі дакументамі канкрэтнага выпуску аблігацый.  

Разам з тым, абарачэнне на другасным рынку як дакументарных, так і бездакументарных аблігацый не абмежавана. Такім чынам, нават калі кліент не можа прад’явіць аблігацыі да датэрміновага пагашэння (выкупу) у банк, ён мае права прадаць іх трэцяй асобе па дамоўнай цане.

Пры гэтым неабходна ўлічваць, што продаж бездакументарных аблігацый, у тым ліку Інтэрнэт-аблігацый, ажыццяўляецца або ў гандлёвай сістэме ААТ «Беларуская валютна-фондавая біржа» з выкарыстаннем паслуг брокера, або па дагаворы куплі-продажу каштоўных папер на пазабіржавым рынку (з абавязковай рэгістрацыяй здзелкі ў прафесійнага ўдзельніка рынку каштоўных папер). Свае паслугі па правядзенні гэтых аперацый кліентам банка гатова аказаць УП «АСБ БРОКЕР».

Беларусбанк аказвае сваім кліентам паслугі па даверным кіраванні грашовымі сродкамі ў замежнай валюце, у межах якіх ажыццяўляецца інвесціраванне сродкаў у каштоўныя паперы, якія абарачаюцца на замежных рынках. У рамках гэтай паслугі Вы можаце самастойна вызначаць каштоўныя паперы для набыцця (давернае кіраванне "па загадзе") або скарыстацца дапамогай банка пры фарміраванні інвестыцыйнага партфеля (давернае кіраванне "па ўзгадненні").

Падставай з'яўляецца: уступленне ў сілу пастановы Праўлення НБ РБ ад 19.12.2018 № 612

Важна! Незалежна ад таго, што напісана ў Праспекце эмісіі аблігацый, разлікі па іх ажыццяўляюцца ў адпаведнасці з заканадаўствам. Пералічэнне ў беларускія рублі ажыццяўляецца па курсе НБ РБ адпаведнай валюты на дзень выплаты/ажыццяўлення аперацыі (калі іншы курс не пазначаны ў Праспекце эмісіі аблігацый).

АБЛІГАЦЫІ, НАМІНІРАВАНЫЯ Ў ЗАМЕЖНАЙ ВАЛЮЦЕ, ДЛЯ ФІЗІЧНЫХ АСОБ