Адбыліся пасяджэнні Наглядальнага савета банка і гадавога Агульнага сходу акцыянераў
Чарговыя пасяджэнні Наглядальнага савета адбыліся ў сакавіку бягучага года.
12 сакавіка ў ходзе пасяджэння Нагсаветам рэкамендавана агульнаму сходу акцыянераў улічыць паступіўшыя прапановы па кандыдатурах у Наглядальны савет і Рэвізійную камісію банка для выбрання на гадавым Агульным сходзе акцыянераў.
На пасяджэнні 23 сакавіка гэтага года Нагсаветам:
- разгледжаны справаздачы за 2021 год: справаздача Праўлення банка аб выніках фінансава-гаспадарчай дзейнасці банка (гадавая справаздача); аб выніках выканання сметы даходаў і расходаў банка; аб ходзе рэалізацыі Стратэгіі развіцця банка; аб выкананні інвестыцыйнай праграмы банка; аб выніках рэалізацыі ІТ-стратэгіі банка (у тым ліку аб працы па развіцці лічбавага банкінгу, аб рэалізацыі мер па развіцці ІТ-сістэм, аб ходзе работ па ўкараненні CRM-сістэмы);
- дадзены рэкамендацыі агульнаму сходу акцыянераў аб размеркаванні прыбытку, выплаце дывідэндаў, а таксама аб зацвярджэнні агульным сходам акцыянераў гадавой справаздачы і гадавой індывідуальнай бухгалтарскай (фінансавай) справаздачнасці банка за 2021 год;
- зацверджаны справаздачы аб эфектыўнасці дзейнасці выканаўчых органаў банка, працы Наглядальнага савета і яго членаў, Карпаратыўнага сакратара па выніках 2021 года, разгледжаны вынікі працы камітэтаў пры Наглядальным савеце за справаздачны год і іншыя пытанні, якія адносяцца да кампетэнцыі Наглядальнага савета.
Гадавы агульны сход акцыянераў банка адбыўся 30 сакавіка бягучага года ў завочнай форме.
Улічаны рэкамендацыі Наглядальнага савета, па ўсіх пытаннях павесткі дня прыняты станоўчыя рашэнні. На сходзе акцыянераў зацверджана гадавая справаздача і гадавая індывідуальная бухгалтарская (фінансавая) справаздачнасць за 2021 год.
Прынята рашэнне аб размеркаванні прыбытку, выплаце дывідэндаў за мінулы год. Дывідэнды па прывілеяваных акцыях 1 тыпу складуць 0,05 рубля на адну акцыю, па прывілеяваных акцыях 2 тыпу - 0,012 рубля. Дывідэнды па простых (звычайных) акцыях устаноўлены ў памеры 0,004734 рубля на адну акцыю. Тэрмін выплаты дывідэндаў акцыянерам фізічным і юрыдычным асобам – не пазней за 22 красавіка 2022 года.
Сходам выбраны склады Наглядальнага савета банка, Рэвізійнай камісіі і Камітэта па ўзаемадзеянні з мінарытарнымі акцыянерамі.
Старшынёй Наглядальнага савета выбраны намеснік Старшыні адміністрацыі Прэзідэнта Рэспублікі Беларусь Дзмітрый Крутой, намеснікамі старшыні Наглядальнага савета – намеснік Міністра эканомікі Дзмітрый Ярашэвіч, намеснік Міністра фінансаў Уладзіслаў Татарыновіч.