Музей ААТ «ААБ Беларусбанк»

Музей ААТ «ААБ Беларусбанк» створаны ў адпаведнасці з Загадам ААБ «Беларусбанк» ад 20 ліпеня 2000 года №184 у мэтах вывучэння і прапаганды гістарычных фактаў у станаўленні і развіцці ашчаднай справы ў краіне, выхавання банкаўскіх работнікаў на лепшых традыцыях і вопыце старэйшага пакалення.

З моманту адкрыцця ў 2002 годзе, прымеркаванага да 80-годдзя банка, музей, не адзін раз змяніўшы сваё аблічча, значна папоўніў свае фонды і калекцыі.

Экспазіцыя прапануе ўдзячным наведвальнікам гісторыю ашчаднай справы ў першай зале, гісторыю развіцця ААТ «ААБ Беларусбанк» у другой, развіццё культурна-масавага і спартыўнага жыцця ў трэцяй, акунуцца ў атмасферу 50-х гг. ХХ ст.  у чацвёртай. Дорыць магчымасць пазнаёміцца з папяровымі грашовымі знакамі, манетамі, ашчаднымі кніжкамі, каштоўнымі паперамі, асабістымі рэчамі ветэранаў ашчаднай справы, унікальнымі архіўнымі і фотадакументамі, узнагародамі і іншымі яркімі матэрыяламі, сведкамі гісторыі развіцця ашчаднай справы Беларусі і ААТ «ААБ Беларусбанк».

На дадзены момант наведванне музея часова прыпынена, і мы прапануем вам пазнаёміцца з віртуальнай экспазіцыяй.