Апісанне сістэмы ўнутранага кантролю ў банку

У ААТ "ААБ Беларусбанк" арганізавана сістэма ўнутранага кантролю з мэтай забеспячэння ўпарадкаванага і эфектыўнага ажыццяўлення дзейнасці ў адпаведнасці з патрабаваннямі заканадаўства і лакальных прававых актаў банка.

Працэдуры ўнутранага кантролю, у т.л. камплаенс-кантролю ў банку пераглядаюцца на пастаяннай аснове з улікам істотных для банка змяненняў, у тым ліку ў сувязі з укараненнем новых банкаўскіх прадуктаў і паслуг, удасканаленнем арганізацыйнай структуры, развіццём інфармацыйных сістэм і інфармацыйных тэхналогій.

У банку распрацавана Палітыка па арганізацыі сістэмы ўнутранага кантролю, у тым ліку камплаенс, якая вызначае мэты, задачы і напрамкі арганізацыі сістэмы ўнутранага кантролю, у тым ліку камплаенс-кантролю, а таксама яе ўдзельнікаў.

Банк арганізуе сістэму ўнутранага кантролю ў мэтах:

• забеспячэння адпаведнасці дзейнасці банка агульнапрызнаным прынцыпам і нормам міжнароднага права, патрабаванням заканадаўства, Статута Банка, ЛПА;
• павышэння (захавання) надзейнасці і эфектыўнасці фінансавай і гаспадарчай дзейнасці, абароны інтарэсаў банка, акцыянераў, укладчыкаў, іншых кліентаў (контрагентаў), партнёраў банка, яго работнікаў;
• забеспячэння своечасовага складання і прадастаўлення дакладнай i поўнай бухгалтарскай (фінансавай), статыстычнай i іншай справаздачнасці;
• абароны інтарэсаў (мэт) банка ў інфармацыйнай сферы;
• забеспячэння бяспечнага вядзення бізнесу, дзелавой рэпутацыі, недапушчэння ўцягвання банка, органаў кіравання і работнікаў у ажыццяўленне супрацьпраўнай дзейнасці, у тым ліку ўзнікнення канфлікту інтарэсаў;
• забеспячэння выканання работнікамі банка пры выкананні імі службовых абавязкаў прымяняемых банкам стандартаў дзелавой практыкі, карпаратыўных каштоўнасцей, прынцыпаў прафесійнай этыкі;
• недапушчэння ўцягвання банка ў легалізацыю даходаў, атрыманых злачынным шляхам, фінансаванне тэрарыстычнай дзейнасці і фінансаванне распаўсюджвання зброі масавага паражэння;
• зніжэння верагоднасці ўзнікнення страт у выніку дзеяння абмежавальных мер/санкцый;
• функцыянавання эфектыўнай сістэмы камплаенс, уключаючы эфектыўнае кіраванне камплаенс-рызыкамі банка.

Дасягненне мэт забяспечваецца шляхам вырашэння наступных задач:

• арганізацыі эфектыўнай СУК, якая адпавядае рызыка-профілю і маштабам дзейнасці банка і накіраванай на выкананне органамі кіравання і работнікамі ўсіх дзеянняў, неабходных у тым ліку для рэалізацыі стратэгіі і напрамкаў развіцця банка;
• размеркавання паўнамоцтваў паміж органамі кіравання і службовымі асобамі банка, якія забяспечваюць дасягненне балансу інтарэсаў банка, яго акцыянераў, бенефіцыярных уладальнікаў і іншых уладальнікаў, членаў органаў кіравання і іншых зацікаўленых асоб;
• эфектыўнага кіравання канфліктам інтарэсаў у дзейнасці банка, уключаючы комплекс мер па выяўленні, выключэнні канфлікту інтарэсаў, а таксама ўмоў яго ўзнікнення;
• пастаяннага маніторынгу праблемных і патэнцыяльна-небяспечных месцаў, здольных нанесці банку фінансавыя страты, вызначэння дастатковасці і эфектыўнасці выкарыстоўваемых мер кантролю і карэкціруючых дзеянняў;
• бесперапыннага развіцця працэсу ідэнтыфікацыі і маніторынгу індыкатараў, накіраваных на выяўленне прыкмет махлярства, карупцыйных праяў, парушэння інфармацыйнай бяспекі, а таксама кібербяспекі;
• павышэння эфектыўнасці СУК за кошт павышэння якасці працэдур ўнутранага кантролю, у тым ліку камплаенс-кантролю, і аптымізацыі іх колькасці, а таксама працавыдаткаў на іх выкананне;
• павышэння эфектыўнасці функцыянавання кантрольных працэдур і інструментаў маніторынгу інцыдэнтаў рызык, у тым ліку камплаенс-рызык, з мэтай прадстаўлення своечасовай, аб’ектыўнай і поўнай інфармацыі органам кіравання банка;
• ажыццяўлення дзейнасці банка з улікам рэалізацыі мер у галіне эканамічных санкцый, прадухілення легалізацыі даходаў, атрыманых злачынным шляхам, фінансавання тэрарыстычнай дзейнасці і фінансавання распаўсюджвання зброі масавага паражэння.

Арганізацыйная структура сістэмы ўнутранага кантролю ў банку ўключае:

• Рэвізійную камісію банка;
• падраздзяленне, адказнае за ўнутраны кантроль за апрацоўкай персанальных даных;

• Наглядальны савет банка;
• Аўдытарскі камітэт пры Наглядальным савеце банка;
• Праўленне банка;
• службовую асобу, адказную за ўнутраны кантроль у банку і банкаўскім холдынгу;
• службу ўнутранага кантролю, дэпартамент камплаенс-кантролю;

• камітэты банка, створаныя ва ўстаноўленым парадку;
• самастойныя структурныя падраздзяленні банка і работнікаў банка.

Сістэма ўнутранага кантролю ў банку арганізавана па наступных напрамках:

• дасягненне пастаўленых стратэгічных мэт;
• забеспячэнне эфектыўнасці фінансавай і гаспадарчай дзейнасці банка пры ажыццяўленні банкаўскіх аперацый і іншай дзейнасці;
• забеспячэнне эфектыўнасці кіравання актывамі і пасівамі, кантраляванне эфектыўнасці выкарыстання маёмасці банка;
• забеспячэнне захаванасці актываў і укладанняў банка;
• забеспячэнне дакладнасці, паўнаты, аб’ектыўнасці і своечасовасці вядзення бухгалтарскага ўліку, складання і прадстаўлення бухгалтарскай (фінансавай), прудэнцыяльнай і іншай справаздачнасці;
• кантраляванне закупак, парадку суправаджэння гаспадарчых дагавораў;
• размеркаванне паўнамоцтваў і адказнасці;
• правядзенне ацэнкі эфектыўнасці сістэмы кіравання рызыкамі;
• правядзенне ацэнкі эфектыўнасці дзейнасці прадпрыемстваў банкаўскага холдынгу;
• функцыянаванне інфармацыйных сістэм, кіраванне інфармацыйнымі патокамі (атрыманне і перадача інфармацыі), забеспячэнне абароны інфармацыі;
• выкананне банкам і яго работнікамі патрабаванняў заканадаўства, ЛПА;
• прадухіленне легалізацыі даходаў, атрыманых злачынным шляхам, фінансавання тэрарыстычнай дзейнасці і фінансавання распаўсюджвання зброі масавага паражэння;
• выкананне банкам і яго работнікамі заканадаўства аб банкаўскай, камерцыйнай і іншай ахоўваемай законам тайне, аб персанальных даных;
• выкананне банкам патрабаванняў Нацыянальнага банка да раскрыцця інфармацыі;
• рэалізацыя мер, звязаных з прымяненнем эканамічных санкцый;
• выкананне парадку інфармавання банкам падатковых органаў замежных дзяржаў, з якімі Рэспублікай Беларусь заключаны міжнародныя дагаворы, аб паляпшэнні выканання міжнародных падатковых правіл;
• выкананне банкам парадку ажыццяўлення банкаўскіх аперацый і іншай дзейнасці з афіліраванымі асобамі і інсайдарамі;
• кіраванне канфліктам інтарэсаў у банку;
• прадухіленне (спыненне) у банку правапарушэнняў, якія ствараюць умовы для карупцыі, карупцыйных правапарушэнняў;
• выкананне банкам парадку працы са зваротамі грамадзян і юрыдычных асоб;
• выкананне банкам і яго работнікамі прымяняемых стандартаў дзелавой практыкі.

Інфармацыя аб службовай асобе, адказнай за ўнутраны кантроль у банку і банкаўскім холдынгу: