Апісанне сістэмы ўнутранага кантролю ў банку

У ААТ "ААБ Беларусбанк" арганізавана сістэма ўнутранага  кантролю з мэтай забеспячэння ўпарадкаванага і эфектыўнага ажыццяўлення дзейнасці ў адпаведнасці з патрабаваннямі заканадаўства Рэспублікі Беларусь і лакальных нарматыўных прававых актаў банка.

Працэдуры ўнутранага кантролю ў банку пераглядаюцца на пастаяннай аснове з улікам істотных для банка змяненняў, у тым ліку ў сувязі з укараненнем новых банкаўскіх прадуктаў і паслуг, удасканаленнем арганізацыйнай структуры, развіццём інфармацыйных сістэм і інфармацыйных тэхналогій.

 

Палітыка банка па арганізацыі сістэмы ўнутранага кантролю

Банк арганізуе сістэму ўнутранага кантролю з мэтай:

  • дасягнення эфектыўнасці і выніковасці фінансава-гаспадарчай дзейнасці банка пры ажыццяўленні банкаўскіх аперацый і іншых здзелак, эфектыўнасці кіравання банкаўскімі рызыкамі, актывамі і пасівамі, уключаючы забеспячэнне захавання актываў;
  • забеспячэння дакладнасці, паўнаты, аб’ектыўнасці і своечасовасці складання і прадстаўлення бухгалтарскай (фінансавай), статыстычнай і іншай справаздачнасці, а таксама інфармацыйнай бяспекі;
  • выканання банкам і яго работнікамі патрабаванняў заканадаўства Рэспублікі Беларусь, лакальных нарматыўных прававых актаў банка;
  • выключэння ўцягвання банка і ўздзелу яго работнікаў у ажыццяўленне супрацьпраўнай дзейнасці, у тым ліку легалізацыі даходаў, атрыманых злачынным шляхам, фінансавання тэрарыстычнай дзейнасці і фінансавання распаўсюджання зброі масавага паражэння.

 

Арганізацыйная структура сістэмы ўнутранага кантролю ў банку ўключае:

  • Наглядальны савет ААТ «ААБ Беларусбанк»;
  • Аўдытарскі камітэт пры Наглядальным савеце банка;
  • Праўленне ААТ «ААБ Беларусбанк»;
  • Старшыня Праўлення ААТ «ААБ Беларусбанк»;
  • Фінансавы камітэт;
  • Крэдытны камітэт;
  • службовая асоба, адказная за ўнутраны кантроль у банку і банкаўскім холдынгу;
  • служба ўнутранага кантролю;
  • дэпартамент камплаенс кантролю фінансавых аперацый;
  • дэпартаменты ўнутранага аўдыту, бяспекі, інфармацыйных тэхналогій;
  • структурныя падраздзяленні і работнікі ўсіх узроўняў.

 

Асноўныя напрамкі і працэдуры сістэмы ўнутранага кантролю

Сістэма ўнутранага кантролю ў банку арганізавана па наступных напрамках:

  • кантраляванне дасягнення пастаўленых стратэгічных мэт;
  • кантраляванне забеспячэння эфектыўнасці і выніковасці фінансавай і гаспадарчай дзейнасці банка пры ажыццяўленні банкаўскіх і іншых аперацый (здзелак);
  • кантраляванне эфектыўнасці кіравання актывамі і пасівамі;
  • кантраляванне захавання актываў і ўкладанняў банка;
  • кантраляванне дакладнасці, паўнаты, аб’ектыўнасці і своечасовасці вядзення бухгалтарскага ўліку, складання і прадстаўлення бухгалтарскай (фінансавай), прудэнцыяльнай і іншай справаздачнасці;
  • унутраны кантроль за арганізацыяй работы па прадухіленні легалізацыі даходаў, атрыманых злачынным шляхам, фінансавання тэрарыстычнай дзейнасці і фінансавання распраўсюджання зброі масавага паражэння, выкананні нормаў і патрабаванняў валютнага заканадаўства Рэспублікі Беларусь;
  • кантраляванне эфектыўнасці сістэмы кіравання рызыкамі;
  • кантраляванне дзейнасці інфармацыйных сістэм і інфармацыйных тэхналогій, кіравання інфармацыйнымі патокамі, забеспячэння інфармацыйнай бяспекі;
  • кантраляванне работы са зваротамі грамадзян і юрыдычных асоб;
  • кантраляванне выканання заканадаўства Рэспублікі Беларусь аб банкаўскай, камерцыйнай і іншай ахоўваемай законам тайне і патрабаванняў Нацыянальнага банка да раскрыцця інфармацыі;
  • кантраляванне выканання работнікамі банка патрабаванняў заканадаўства Рэспублікі Беларусь, лакальных нарматыўных прававых актаў банка;
  • кантраляванне эфектыўнасці дзейнасці арганізацый, якія ўваходзяць у склад банкаўскага холдынгу, галаўной арганізацыяй якога з’яўляецца банк, і выканання імі патрабаванняў заканадаўства і лакальных нарматыўных прававых актаў;
  • кантраляванне размеркавання паўнамоцтваў і адказнасці;
  • кантраляванне выключэння канфлікту інтарэсаў у дзейнасці банка.

 

Інфармацыя аб службовай асобе, адказнай за ўнутраны кантроль у банку:

Службовай асобай, адказнай за ўнутраны кантроль у банку і банкаўскім холдынгу, прызначана Калоднік Ірына Уладзіміраўна, начальнік службы ўнутранага кантролю ААТ «ААБ Беларусбанк» (загад ААТ «ААБ Беларусбанк» ад 01.09.2017  № 432).