Акрэдытывы

Дакументарны акрэдытыў– гэта цвёрдае абавязацельства банка-эмітэнта выплаціць прадаўцу (бенефіцыяру) вызначаную суму пры своечасовым прадастаўленні дакументаў, якія адпавядаюць умовам акрэдытыву.

Схема разлікаў акрэдытывамі  

ААТ «ААБ Беларусбанк» разбівае міфы пра акрэдытывы.

Міф № 1. Акрэдытыў – гэта дорага.

Пры экспарце тавараў (работ, паслуг) невыкананне контрагентам сваіх абавязацельстваў па аплаце прадмету кантракту прыводзіць да ўзнікнення дэбіторскай запазычанасці. Пры гэтым кошт адцягнутых рэсурсаў на рынку банкаўскага крэдытавання значна перавышае памер узнікаючых па акрэдытыве камісій. 
Пры імпарце тавараў (работ, паслуг) парушэнне пастаўшчыком тэрмінаў пастаўкі, пастаўка няякаснага тавару або тавару меншай колькасці цягне вялізныя страты, звязаныя са зрывам вытворчага працэсу, несупастаўныя з коштам акрэдытыўнай формы разлікаў. 
Акрамя таго, неабходна ўлічваць высокі кошт юрыдычных паслуг у выпадку ўзнікнення судовых спрэчак.

Міф № 2. Акрэдытыў  – гэта складана.

Кваліфікаваныя супрацоўнікі ААТ «ААБ Беларусбанк» дапамогуць у складанні плацежнай часткі кантракту, а таксама ў запаўненні заявы на адкрыццё акрэдытыву. Будуць  рады адказаць на любое пытанне, якое ўзнікае ў працэсе адкрыцця і суправаджэння акрэдытыву. З ААТ «ААБ Беларусбанк» акрэдытыў – гэта проста.

Міф № 3. На тэрмін дзеяння акрэдытыву сродкі пакупніка ў суме акрэдытыву абавязкова адцягваюцца з яго гаспадарчага абароту.

ААТ «ААБ Беларусбанк» прапануе паслугу адкрыцця акрэдытыву без прадастаўлення грашовага пакрыцця. 

Міф № 4. Марудлівасць у атрыманні плацяжу ў выніку працягласці праверкі дакументаў банкамі.

ААТ «ААБ Беларусбанк» прапануе паслугу праверкі дакументаў за 1 дзень, што значна паскарае час атрымання экспартнай выручкі. 

Перавагі акрэдытыўнай формы разлікаў для імпарцёра:

  • Дакументарны акрэдытыў дапамагае імпарцёру істотна знізіць рызыку, звязаную з невыкананнем прадаўцом абавязацельстваў па пастаўцы.
  • Акрэдытыў дае ўпэўненасць у тым, што аплата будзе здзейснена толькі пасля прадастаўлення дакументаў, якія пацвярджаюць адгрузку тавару.
  • Наяўнасць акрэдытыву дазваляе поўнасцю або часткова пазбягаць перадаплаты.
  • Акрэдытыў дае магчымасць імпарцёру структурыраваць схемы плацяжоў па кантракце з улікам сваіх інтарэсаў.
  • Адкрываючы акрэдытыў, імпарцёр пацвярджае сваю плацежаздольнасць і можа разлічваць на больш спрыяльныя ўмовы плацяжу ў будучым. 

Перавагі акрэдытыўнай формы разлікаў для экспарцёра:

  • Гарантыя аплаты па прад’яўленні дакументаў, агавораных умовамі акрэдытыву.
  • Зніжэнне вытворчай рызыкі, у першую чаргу, у адносінах да тых выпадкаў, калі пакупнік анулюе або змяняе заказ.
  • Магчымасць структурыравання графіка пастаўкі з улікам сваіх інтарэсаў.
  • Пакупнік не можа адмовіць у плацяжы пры любой прэтэнзіі да тавару.
  • Усе прэтэнзіі да пастаўленага тавару імпарцёр павінен прад’явіць асобна ад акрэдытыву і выкананага па ім плацяжу, што дае экспарцёру вялікую перавагу пры ўрэгуляванні падобных пытанняў.