- ТЭА распрацоўваецца з улікам асаблівасцяў ажыццяўлення відаў эканамічнай дзейнасці і спецыфікі бягучай (аперацыйнай), інвестыцыйнай і фінансавай дзейнасці арганізацыі і інвестыцыйнага праекта (далей – праект).
- ТЭА складаецца ў валюце запытваемага крэдыту з гарызонтам разліку на тэрмін вяртання запытваемага крэдыту. Тэкставая частка ТЭА павінна быць аб’ёмам тэксту каля 10 старонак. Тэкставая частка ТЭА і разлікі да яго павінны быць падпісаны ўпаўнаважанай собай і завераны пячаткай[1]з боку кліента.
- Мінімальныя патрабаванні Банка да складу ТЭА, які прадастаўляецца для атрымання крэдыту на стварэнне (рух) пазаабаротных актываў:
I. Кароткія звесткі аб арганізацыі (поўнае найменне, месцазнаходжанне, юрыдычны статус і адрас, форма ўласнасці, склад заснавальнікаў, асноўны від дзейнасці, наяўнасць сезоннага характару дзейнасці прадпрыемства);
II. Характарыстыка арганізацыі і стратэгія яе развіцця;
III. Апісанне і мэта праекта:
- назва, сутнасць, месца ажыццяўлення праекта;
- апісанне плануемай да выпуску прадукцыі (работ, паслуг), праграма яе выпуску і вобласць прымянення;
- разлік затрат на вытворчасць і рэалізацыю прадукцыі (работ, паслуг) (у адпаведнасці з табліцай 4-9 Пастановы Міністэрства эканомікі Рэспублікі Беларусь ад 31.08.2005 № 158);
- аналіз рынкаў збыту прадукцыі і ацэнка яе канкурэнтаздольнасці;
- інфармацыя аб тэрмінах рэалізацыі праекта і тэрмінах уводу яго ў эксплуатацыю;
IV. Табліцы, якія змяшчаюць інфармацыю, разлікі і паказчыкі па рэалізацыі праекта:
- агульныя інвестыцыйныя затраты і крыніцы фінансавання па праекце;
- разлік прыбытку ад рэалізацыі з улікам праекта і дзейнасці арганізацыі, чыстага даходу;
- разлік патоку грашовых сродкаў па арганізацыі з улікам праекта і дзейнасці арганізацыі [2].
- За аснову складання табліц неабходна браць табліцы (4-11, 4-15, 4-17), распрацаваныя ў адпаведнасці з пастановай Міністэрства эканомікі Рэспублікі Беларусь ад 31.08.2005 № 158;
V. Высновы і прапановы, у якіх даецца агульная ацэнка эканамічнай мэтазгоднасці праекта.
4. [3] У выпадку звароту заяўніка па крэдытную падтрымку ў памеры да 15000 базавых велічынь на мэты набыцця тэхнікі, абсталявання, транспартных сродкаў магчыма прадастаўленне спрошчанага варыянту ТЭА пры ўмове, што крэдыт запытваецца на пашырэнне дзеючага бізнесу (без змены напрамку дзейнасці).
У спрошчаным варыянце ТЭА:
- тэкставая частка выключаецца;
- у таблічнай частцы выключаецца табліца з разлікам прыбытку ад рэалізацыі з улікам праекта і дзейнасці арганізацыі, чыстага даходу.
[1] Суб'екты гаспадарання маюць права не выкарыстоўваць пячатку ў адпаведнасці з нормамі заканадаўства.
[2] Па прадпрыемствах з сезонным характарам дзейнасці дапускаецца прагназаванне разліку патоку грашовых сродкаў з разбіўкай па кварталах толькі першага года рэалізацыі інвестыцыйнага праекта ў выпадку дапаўнення ТЭА інфармацыяй аб захаванні прапарцыянальнай тэндэнцыі змянення паказчыкаў адносна базавага (разлічанага па кварталах) перыяду.
[3] Не прад'яўляюцца да нанова створаных прадпрыемстваў.