Па ініцыятыве Беларускага дзіцячага фонда нашы калегі пабывалі ў ДУ «Рэспубліканскі рэабілітацыйны цэнтр для дзяцей-інвалідаў» і пагаварылі з выхаванцамі аб фінансавай і лічбавай граматнасці.
Дзеці сустрэлі гасцей цёпла і душэўна, запрасілі паўдзельнічаць у спартыўных конкурсах і творчых майстар-класах.
Затым для супрацоўнікаў банка правялі экскурсію. Выхаванцы цэнтра расказвалі пра свае захапленні і інтарэсы, здзіўлялі дасягненнямі і творчымі поспехамі. Спецыялісты ўстановы прадэманстравалі сучасныя метады рэабілітацыі дзяцей-інвалідаў.
Прадстаўнікі банка расказалі дзецям пра важнасць фінансавай граматнасці і паказалі тэматычную прэзентацыю па кіберзлачыннасці. Улічваючы фармат мерапрыемства і спецыфіку аўдыторыі (самыя юныя слухачы), Цэнтрам кібербяспекі быў упершыню выкарыстаны лічбавы маскот Кібергаў для правядзення інтэрактыўнай лекцыі і віктарыны.
Дзеці з захапленнем успрынялі ініцыятыву і з радасцю «пасябравалі» з лічбавым сабакам. Цяпер у іх ёсць надзейны сябар і абаронца ў свеце фінансавай бяспекі!
У ходзе сустрэчы работнікі банка кожнаму дзіцяці падарылі падарункі і кнігу «Грошык i таямнічы кошык. Азбука фінансавай граматнасці».
Урокі фінансавай граматнасці і кібербяспекі для дзяцей розных сацыяльных груп сталі ў Беларусбанку добрай традыцыяй. Работнікі рэабілітацыйнага цэнтра запрасілі супрацоўнікаў банка ў верасні бягучага года правесці ўрок фінансавай граматнасці для першаклашак, якія прыедуць у цэнтр рэабілітацыі да пачатку навучальнага года.