23 кастрычніка ў Мінску прайшоў Форум адказнага бізнесу, прысвечаны ролі прадпрымальнікаў, банкаўскага сектара і Глабальнага дагавора ААН у дасягненні Мэт устойлівага развіцця (МУР). У якасці лакацыі Беларускі культурны цэнтр духоўнага Адраджэння, размешчаны на тэрыторыі ўнікальнага храма-помніка ў гонар Усіх Святых, арганізатары выбралі невыпадкова. Гэта месца не толькі наглядна паказвае сувязь пакаленняў, але і адлюстроўвае высокую місію мерапрыемства, а таксама важны духоўны складальнік.
Форум стаў ключавой пляцоўкай для дыялогу паміж дзяржавай, бізнесам, навуковай супольнасцю і міжнароднымі арганізацыямі. Ён аб’яднаў топ-менеджараў, спецыялістаў у галіне ESG, HR, PR і карпаратыўнай сацыяльнай адказнасці, прадстаўнікоў дыпламатычнага корпуса, вядучых ВНУ, грамадскіх арганізацый і бізнес-саюзаў. Удзельнікі з Беларусі, Расіі, Азербайджана, Узбекістана на ўласных прыкладах паказалі: Мэты ўстойлівага развіцця трэба разглядаць не як крыніцу дадатковых выдаткаў, а як новыя стратэгічныя магчымасці.
Беларусбанк стаў генеральным партнёрам Форуму адказнага бізнесу шосты раз. Пры гэтым дабрачыннасць у фокусе ўвагі найбуйнейшага банка краіны –даўно, і скарбонка добрых спраў пастаянна папаўняецца новымі ініцыятывамі.
Расказаў намеснік старшыні праўлення яшчэ аб адной невялікай, але важнай ініцыятыве, рэалізаванай сумесна з Беларускім саюзам жанчын. Гэта дабрачынны «Васільковы бал. АСБ», які гэтай восенню аб’яднаў моладзь і ветэранаў. Партнёрамі мерапрыемства сталі 10 кліентаў Беларусбанка, якія аказалі спонсарскую дапамогу і здзейснілі маленькія мары дзяцей з абмежаванымі магчымасцямі.
Штогод па ўсёй краіне сіламі работнікаў банка праводзіцца больш за 1000 акцый у падтрымку дзяцей з асаблівасцямі. Разглядаючы інклюзію як уключанасць кожнага чалавека ў грамадскі працэс, Беларусбанк арыентуецца на развіццё безбар’ернага асяроддзя, павышэнне даступнасці прадуктаў і паслуг, у тым ліку сацыяльна значных.
Часткай новай гісторыі банка стала рэалізацыя ў кожнай вобласці і сталіцы праекта «Традыцыі дзеля будучыні». Тэматычныя муралы можна ўбачыць у 13 гарадах краіны, а 30 аддзяленняў Беларусбанка аформлены ў арыгінальнай этнаграфічнай стылістыцы.
Сваімі кейсамі прадстаўнікі беларускага бізнесу падзяліліся падчас практычнай часткі мерапрыемства. Супрацоўнікі такіх кампаній, як БСБ Банк, Белінвестбанк, Сбер Банк, Піваварная кампанія Аліварыя, Мабільныя ТэлеСістэмы (МТС), А1, Медлен, ПраЛіў, АЛ Лігал прадэманстравалі канкрэтныя вынікі ESG-трансфармацыі сваіх кампаній.
Важным крокам ва ўмацаванні міжнароднага супрацоўніцтва стала падпісанне мемарандума аб узаемадзеянні паміж Фондам ААН у галіне народанасельніцтва (ЮНФПА) і Сеткай Глабальнага дагавору ААН у Беларусі.
Прыцягнуў увагу прысутных і праект «На хвалі ўстойлівасці». Яўгеній Лукашэнка, намеснік дырэктара даччынай кампаніі Беларусбанка АСБ Кансалт, і яго асістэнты ў ігравой форме паказалі, як актывізаваць сваю дзейнасць у дасягненні МУР, а кожны ўдзельнік інтэрактыву змог адчуць сябе кіраўніком кампаніі. Дзякуючы рашучым дзеянням і смеласці браць на сябе адказнасць у лідары выйшла каманда студэнтаў Белдзяржуніверсітэта. Чаму, дарэчы, «акулы» айчыннага бізнесу не здзівіліся: менавіта новаму пакаленню працягваць весці гэты дыялог, укараняць эфектыўныя меры і ацэньваць крокі, якія робяцца сёння.
Пад заслону мерапрыемства ўсім удзельнікам прапанавалі наведаць крыпту храма, дзе можна было ўбачыць мошчы беларускіх святых і дакрануцца да гісторыі ў літаральным сэнсе.
Упраўленне камунікацый, маркетынгу і рэкламы