З 1 кастрычніка ўнесены змяненні ў пералік прыкмет плацежнасці банкнот у замежнай валюце. Гэта закранула свячэнне банкнот у ультрафіялетавых промнях. Цяпер гэта асаблівасць не стане перашкодай да абмену.
Так, раней для насельніцтва востра стаяла пытанне немагчымасці абмену банкнот па прычыне свячэння ў ультрафіялетавых промнях. Некаторыя пашкоджанні на купюры візуальна менш бачныя, але пад уздзеяннем ультрафіялетавых промняў на ёй выяўляецца свячэнне, нехарактэрнае, неўласцівае плацежным банкнотам, што і прыводзіла да адмовы ў прыёме валюты.
Строгія падыходы былі абумоўлены тым, што наяўнасць свячэння ў ультрафіялетавых промнях гаварыла аб магчымым пашкоджанні банкноты, якое магло прывесці да далейшага разбурэння як гэтай банкноты, так і іншых, якія захоўваюцца разам з ёй.
Змяненні ў частцы паслаблення правілаў па прыёме банкнот у замежнай валюце накіраваны, у першую чаргу, на спрашчэнне прыёму валюты і мінімізацыю спрэчных сітуацый.
Новыя правілы дазволяць банкам больш эфектыўна выконваць сваю працу і ўмацоўваць давер насельніцтва да банкаўскай сістэмы ў цэлым.
Разам з тым, іншыя патрабаванні да плацежаздольнасці банкнот захоўваюцца. Нагадваем, што неплацежаздольныя пашкоджаныя банкноты можна здаць у банк на інкаса з выплатай камісійнага ўзнагароджання.
Уведзеныя меры накіраваны на стварэнне найбольш даступных умоў для насельніцтва пры здачы замежнай валюты. У той жа час замест наяўных грошай лепш аддаць перавагу банкаўскім укладам і безнаяўным плацяжам. Такі падыход дазволіць забяспечыць захаванасць сродкаў і спросціць іх выкарыстанне ў паўсядзённым жыцці.
Упраўленне камунікацый, маркетынгу і рэкламы