Беларусбанк прадастаўляе карпаратыўным кліентам магчымасць адкрыцця рахункаў эскроу — спецыяльных рахункаў для бяспечнага правядзення разлікаў па дагаворах. Гэта надзейны спосаб забяспечыць максімальную абарону сродкаў і кантроль выканання ўмоў здзелкі.
Прынцып работы рахунку эскроу
Рахунак эскроу прымяняецца для выканання трохбаковага дагавору, які заключаецца паміж пакупніком (дэпанентам), прадаўцом (бенефіцыярам) і банкам. У адпаведнасці з гэтым пагадненнем пакупніку адкрываецца спецыяльны рахунак, на якім захоўваюцца яго сродкі для пералічэння за тавары або паслугі прадаўцу. Як толькі ўмовы здзелкі будуць выкананы і ўсе неабходныя дакументы прадастаўлены ў банк, грошы пералічваюцца бенефіцыяру. Звярніце ўвагу, што працэнты на сродкі, якія знаходзяцца на рахунку эскроу, не налічваюцца. Закрыццё рахунку адбываецца аўтаматычна пасля ажыццяўлення пераводу.
Перавагі рахунку эскроу:
– сродкі абаронены ад спагнанняў, арыштаў і прыпыненняў аперацый па рахунку;
– банк ажыццяўляе кантроль і здзяйсняе плацеж толькі пры наступленні агавораных умоў;
– у выпадку невыканання ўмоў дагавору бенефіцыярам сродкі вяртаюцца дэпаненту (пакупніку).
Як адкрыць рахунак эскроу
Дэпаненту неабходна аформіць заяву на адкрыццё рахунку эскроу на ўмовах аферты па ўстаноўленай банкам форме і прыкласці копію дагавору, заключанага з бенефіцыярам у рамках разлікаў па здзелцы куплі-продажу, падраду, платнага аказання паслуг (іншых дагавораў). Бенефіцыяру неабходна толькі прадаставіць заяву на заключэнне дагавору рахунку эскроу на ўмовах аферты па ўстаноўленай банкам форме.
Дадатковую інфармацыю аб рахунках эскроу і формы дакументаў для іх адкрыцця можна знайсці тут.