У Галаўным офісе адбылася сустрэча фіналістак нацыянальнага конкурсу прыгажосці «Міс Беларусь» з кіраўніцтвам Беларусбанка.
Ужо другі раз банк падтрымлівае адзін з самых прэстыжных конкурсаў краіны. На гэты раз — у якасці генеральнага партнёра. Удзельніцы праекта пазнаёміліся з дзейнасцю банка, сацыяльнымі ініцыятывамі, наведалі Музейна-камунікацыйны цэнтр, залы абслугоўвання юрыдычных і фізічных асоб.
Падчас сустрэчы са старшынёй праўлення юныя прыгажуні пацікавіліся ў Віктара Ананіча, як і ў якой валюце сёння лепш зберагаць, як засцерагчы сябе і блізкіх ад махлярскіх дзеянняў, таксама даведаліся падрабязнасці пра дабрачынныя праекты і сацыяльныя ініцыятывы банка.
— Якім бы ні было рашэнне журы, вы ўжо перамаглі, бо за гэтыя тыдні атрымалі ўнікальны вопыт, новыя знаёмствы і ўражанні. Няхай ваш прыклад даказвае: беларускія дзяўчаты не толькі прыгожыя, але і добрыя, эрудзіраваныя і шчырыя, — падкрэсліў Віктар Ананіч. — Будзем рады бачыць вас і ў якасці кліентаў, і як патэнцыяльных калег. Поспехаў у фінале. Абавязкова прыйдзем вас падтрымаць!
Фіналісткі таксама пагаварылі са старшынёй Аб’яднанай арганізацыі Беларускага саюза жанчын Беларусбанка Алай Райцэс, якая павіншавала дзяўчат і ўручыла падарункі.
Завяршыўся візіт прыгажунь прэзентацыяй карткі «Лэдзі». Вось ужо 5 гадоў гэты не толькі карысны, зручны, але і эстэтычны фінансавы інструмент знаходзіць сваё месца ў кашальках кліентак банка.
Карта Клуба «Лэдзі» ёсць больш чым у 240 тыс. прадстаўніц прыгожага полу. Яна дазваляе атрымліваць мані-бэк да 3% на пакупкі для прыгажосці і адпачынку, а таксама пры разліках у магазінах — партнёрах банка, карыстацца кансьерж-сэрвісам і ўнікальнымі прапановамі ад Беларусбанка і Visa, афармляць іншыя прадукты са скідкай або на спецыяльных умовах.
Беларусбанк паслядоўна падтрымлівае праекты, накіраваныя на развіццё і прасоўванне найлепшых сацыяльных і культурных ініцыятыў. І, як падкрэсліў Віктар Ананіч, Беларусбанк заўсёды побач — і як фінансавы партнёр, і як работадавец для амбіцыёзнай моладзі.
Даведка:
«Міс Беларусь» – нацыянальны конкурс прыгажосці. Праводзіцца з 1998 года з перыядычнасцю раз у два гады. Фіналісткі прымаюць удзел у конкурсах «Міс Еўропа», «Міс Інтэрнэшнл», пераможца – у конкурсе «Міс Свету».
Арганізатарамі нацыянальнага конкурсу прыгажосці выступаюць Міністэрства культуры Рэспублікі Беларусь, Нацыянальная школа прыгажосці і тэлеканал АНТ.
У 2023 годзе Клуб «Лэдзі» Беларусбанка ўпершыню стаў адным з партнёраў конкурсу.
Упраўленне камунікацый, маркетынгу і рэкламы
Падпісвайцеся на акаўнты Беларусбанка ў Telegram і Instagram — першымі даведвайцеся пра падзеі найбуйнейшага банка краіны і галоўныя тэндэнцыі свету фінансаў.