Беларусбанк пастаянна ўдасканальвае тэхналагічныя працэсы і сэрвісы для надзейнай абароны трымальнікаў карт ад дзеянняў зламыснікаў. Каб перашкодзіць махлярам здзяйсняць крадзяжы з рахункаў, даведваючыся ў кліентаў інфармацыю для рэгістрацыі іх картак у мабільных плацежных дадатках, банк устанаўлівае шэраг абмежаванняў пры ажыццяўленні некаторых аперацый.
З 4 жніўня пры зняцці грошай з выкарыстаннем лічбавых рэквізітаў картак Беларусбанка (токенаў, згенерыраваных у мабільных плацежных сэрвісах) у банкаматах і пунктах выдачы наяўных грошай уводзяцца абмежаванні: на працягу аднаго дня можна будзе атрымаць не больш за 600 рублёў з карт «Аксаміт» і не больш за 1000 рублёў — з іншых картак банка.
Звяртаем увагу: названыя ліміты можна зняць, патэлефанаваўшы ў Кантакт-цэнтр на нумар 147. Таксама адмена абмежаванняў або аднаўленне іх дзеяння ажыццяўляецца ў аддзяленнях банка па заяве трымальніка карты або яго прадстаўніка на падставе даверанасці.
Акрамя таго, з 4 жніўня ўстанаўліваецца забарона на ажыццяўленне аперацый па картках «Зебра», «Карце навучэнца» і картках, аформленых у рамках комплекснага прадукту «Дзіцячы», у арганізацыях гандлю і сэрвісу з МСС-кодамі 7995 (азартныя гульні) і 9406 (дзяржаўныя латарэі).
Яшчэ адно новаўвядзенне датычыцца пералічэння грашовых сродкаў у юанях з карт Беларусбанка: устанаўліваецца мінімальная сума пераводу — 8 кітайскіх юаняў.
Больш падрабязна з абмежаваннямі можна азнаёміцца тут.
Упраўленне камунікацый, маркетынгу і рэкламы
Падпісвайцеся на акаўнты Беларусбанка ў Telegram і Instagram — першымі даведвайцеся пра падзеі найбуйнейшага банка краіны і галоўныя тэндэнцыі свету фінансаў.