Устойлівая запатрабаванасць беларускіх тавараў — гэта тэндэнцыя, якую Беларусбанк усяляк імкнецца падтрымліваць, прапаноўваючы кліентам крэдыт на спажывецкія патрэбы «На сваё» для набыцця прадукцыі айчынных вытворцаў.
«Гэты прадукт з’явіўся ў выніку ўдасканалення і аптымізацыі крэдытнай лінейкі банка, аб’яднаўшы ў сабе ўсё самае лепшае ад двух існаваўшых раней крэдытаў на беларускія тавары — «Партнёр Аптымальны» і крэдыт на спажывецкія патрэбы да 5 гадоў, — адзначыла намеснік старшыні праўлення Святлана Кажэкіна. — У Год добраўпарадкавання мы рады дапамагаць суайчыннікам мяняць жыццё ў лепшы бок, ствараць утульнасць у доме, акружаць сябе і блізкіх патрэбнымі карыснымі рэчамі, выбіраючы наша: зразумелае, даступнае і якаснае».
Асноўныя перавагі крэдыту «На сваё»:
- тэрмін 5 гадоў;
- грэйс-перыяд на працягу першых 100 дзён;
- адтэрміноўка па выплаце асноўнага доўгу 12 месяцаў;
- зніжаная працэнтная стаўка пры падачы заяўкі праз каналы дыстанцыйнага банкаўскага абслугоўвання;
- выбар тавараў не абмежаваны ніякімі пералікамі;
- сродкі пералічваюцца адразу на рахункі суб’ектаў гандлю.
У залежнасці ад спосабу афармлення заяўкі — дыстанцыйна або ў банку, працэнтная стаўка за карыстанне крэдытам складзе 12,7% або 13% у грэйс-перыядзе, а далей — 13,2% або 13,5% адпаведна. Пагашэнне асноўнага доўгу ажыццяўляецца роўнымі долямі, а працэнтаў — за фактычны час карыстання крэдытам.
Выберы сваё — падтрымай роднае!
Упраўленне камунікацый, маркетынгу і рэкламы
Падпісвайцеся на акаўнты Беларусбанка ў Telegram і Instagram — першымі даведвайцеся пра падзеі найбуйнейшага банка краіны і галоўныя тэндэнцыі свету фінансаў.