У гонар пяцігоддзя ўкаранення сэрвісу па зняцці наяўных грошай у арганізацыях гандлю і сэрвісу Беларусбанк падвёў вынікі яго працы.
У цяперашні момант скарыстацца касай як банкаматам можна амаль у 4,7 тыс. магазінаў па ўсёй Беларусі. Што важна, 1,6 тыс. з іх размяшчаюцца ў сельскай мясцовасці. Са старту функцыянавання сэрвісу з яго дапамогай праведзена больш за 860 тыс. аперацый на агульную суму звыш 65 млн рублёў. У 2020 годзе ўсё пачыналася з 10 аперацый у месяц на суму 1 тыс. рублёў, а ў 2025-м толькі за пяць месяцаў праведзена 203 тыс. аперацый і выдадзена амаль 17,3 млн рублёў.
Стымуляванне росту ўзроўню жыцця ў кожным кутку краіны, клопат пра зручнасць кліентаў, асабліва з невялікіх і аддаленых населеных пунктаў, павышэнне якасці і даступнасці фінансавых паслуг — гэта найважнейшыя задачы, якія Беларусбанк паслядоўна вырашае, актыўна развіваючы і маштабуючы сэрвіс па зняцці наяўных грошай у арганізацыях гандлю і сэрвісу.
Зразумець, што ў магазіне можна атрымаць грошы з карты, проста: побач з касай будзе размешчана спецыяльная наклейка ў выглядзе зялёнага кашалька. За адну аперацыю дапускаецца зняцце да 5 базавых велічыняў (210 рублёў). Па картах Беларусбанка камісія за гэта не спаганяецца.
Сэрвіс даказаў сваю запатрабаванасць не толькі сярод пакупнікоў, але і ўладальнікаў бізнесу. Суб’екты гаспадарання, якія падключыліся да яго, павялічваюць тавараабарот за кошт прыцягнення новых кліентаў, а таксама скарачаюць час на здачу выручкі і выдаткі на інкасацыю наяўных грошай.
Упраўленне камунікацый, маркетынгу і рэкламы
Падпісвайцеся на акаўнты Беларусбанка ў Telegram і Instagram — першымі даведвайцеся пра падзеі найбуйнейшага банка краіны і галоўныя тэндэнцыі свету фінансаў.