У суботу, 29 сакавіка, у адміністрацыйных будынках Беларусбанка на адну гадзіну — з 20:30 да 21:30 — выключылі асвятленне, пагасілі дэкаратыўны падсвет, вонкавую рэкламу і шыльды. Такім чынам найбуйнейшы банк краіны падтрымаў маштабную экалагічную акцыю, якая праводзіцца па ўсёй планеце, — «Гадзіна Зямлі».
«Пытанні аховы навакольнага асяроддзя і рэсурсазберажэння маюць надзвычай важнае значэнне для Беларусбанка як для кампаніі, якая паслядоўна падтрымлівае канцэпцыю ўстойлівага развіцця ESG. Абрэвіятура расшыфроўваецца як «environmental, social, governance». Першая характарыстыка — «environmental» — вызначае прыхільнасць банка прынцыпам экалагічнасці», — адзначыў намеснік старшыні праўлення Дзмітрый Краскоўскі.
Беларусбанк імкнецца мінімізаваць сваё ўздзеянне на прыроду: прымае на ўтылізацыю банкаўскія карты кліентаў са скончаным тэрмінам прыдатнасці, пастаянна пашырае і напаўняе сваю лінейку прадуктамі, якія не наносяць шкоды навакольнаму асяроддзю (іх можна пазнаць па спецыяльнай маркіроўцы), развівае ініцыятыву па пераводзе аперацый, якія ажыццяўляюцца ў аддзяленнях банка, у фармат «беспапяровага офіса», арганізоўвае ўласныя экалагічныя мерапрыемствы і актыўна ўдзельнічае ў рэспубліканскіх акцыях. Напрыклад, Беларусбанк выступае партнёрам праекта «Зялёныя скарбы Беларусі», які стартаваў у 2017 годзе, яго мэта — захаванне і аднаўленне ўнікальных аб’ектаў беларускай прыроды, абарона і пашырэнне папуляцыі рэдкіх раслін, а таксама прыцягненне ўвагі да праблемы скарачэння біяразнастайнасці рэспублікі.
Больш падрабязна аб рэалізацыі ESG-прынцыпаў у Беларусбанку можна даведацца ў спецыяльным раздзеле афіцыйнага сайта банка «Устойлівае развіццё», клікнуўшы тут.
Упраўленне камунікацый, маркетынгу і рэкламы